السلام عليكم ورحمة الله وبركاته

كنت بس عايزة أفكركم إنه مش كل حاجة بتظهر جديدة هي مناسبة لينا.

الـtools بتاعت الAI بقت كتييييير ومش ملاحقين عليها لكن مش كلها مناسبة لينا.

بمعنى إنه لو تفريغ الريكوردات مثلاً حاجة لطيفة وحسيت إنه واو دي هتوفر ف الوقت بس أنت أصلا شخصية سماعية يعني بتفهم أو تحفظ بالسماع أو إنك تشوف ڤيديو فطريقة تفريغ الريكوردات دي تضييع وقت ليك لأنك بتجهد مخك بطريقة مش مناسبة له أو ما اتعودش عليها .

كمان في مقولة بتقول : "الأنسب أفضل من الأفضل".

يعني طول ما الtool دي مش مناسبة ليك فهي مش الأفضل ليك.

ونكرر تاني الكلمتين الكليشيه اللي اتهرسوا ف 200 ڤيديو وبوست قبل كدة "مش كل ترند بنمشي وراه"
خلي ليك شخصيتك حتى في طريقة مذاكرتك أو تحصيلك للمعلومات.

أحياناً كتر الـ Tools بيخلينا نستهلك طاقتنا في 'إزاي نذاكر' بدل ما نذاكر فعلاً! لو عندك طريقة شغالة معاك وبتجيب نتايج كويسة، فمفيش داعي تسيبها عشان تجرب حاجة لسه طالعة جديد

طبعاً مش معنى كلامي إنك لازم تلغي الـ tool تماماً، ممكن تستخدمها عشان تدور على كلمة معينة تاهت منك في الريكورد، أو تتأكد من معلومة، لكن يفضل المصدر الأساسي هو الطريقة اللي بتريح دماغك حتى لو هي بالفعل طريقة الtranscription دي.

بالتوفيق وماتنسوناش من دعواتكم🤍