ឈ្នះលើច្បាប់សង្គ្រាម ឈ្នះលើកម្លាំងនៃការទប់ទល់និងឈ្នះលើយុទ្ធសាស្ត្រ ហៅថាច្បាស់លើសច្បាស់។ មែនទែនទៅនៅ ក្នុងសង្គ្រាមសង្គ្រាមសៀមឈ្លានពានខ្មែរ តែងតែស្រដៀងដូចការលេងអុកចិន ហៅថា អុកព័ទ្ធ បើអុកខ្មែរហៅថា អុកបក។

នៅក្នុងសមរភូមិ កងទ័ពច្រើន អាវុធច្រើន មិនមែនជាការឈ្នះពិត ប៉ុន្តែគឺចិត្តសាស្ត្រនៃការដឹកនាំនៃយុទ្ធវិធីសឹក ទើបជារឿងសំខាន់។ ចំណុចសំខាន់របស់អ្នកនយោបាយសៀមគឺអាងលើការទូត ចំណុចសំខាន់នៃយោធាសៀមគឺអាងកងទ័ពនិងអាវុធច្រើន ចំណុចចាប់ផ្ដើមនៃយុទ្ធវិធីរបស់ថ្នាក់ដឹកនាំជាតិយើង គឺផ្ដាច់ភាពអាងការទូតរបស់សៀម ប្រើប្រាស់ការខំទប់ទល់ 24 ម៉ោងជាមុន ដើម្បីឈ្នះការទូត បន្ទាប់មកប្រើប្រាស់ចិត្តសាស្ត្រផ្លាស់ប្ដូរប្រព័ន្ធទ័ព ទប់ទល់ឱ្យជាប់ ដើម្បីបំបាក់ស្មារតី នៃដៃគូ ឱ្យមានអារម្មណ៍ថាមិនអាចវាយចុះ។ កាលណាដៃគូម្ខាងដែលមិនអាចវាយចុះ គឺស្មារតីនៃការប្រយុទ្ធ ធ្វើអោយចុះមិនក្រោម 50%។ នៅពេលដែលប្រតិបត្តិការចាប់ផ្ដើមលើសពី 24 ម៉ោង ពេលនោះកម្លាំងដែលខ្លួនបានត្រៀម គឺជាកម្លាំងដូចជារាជសី ឃ្លានចំណី ព្រោះស្មារតីស្រេកឃ្លាននៃការប្រយុទ្ធដល់ចំណុចខ្ពស់បំផុត។ ពេលនោះយុទ្ធវិធីត្រៀមបំបាក់ដៃគូម្ខាងទៀតគឺជារឿងងាយស្រួលបំផុត ទើបផុត 24 ម៉ោងភ្លាម BM 21 ទម្លាក់រំជួយឋានទាំងបី ស្មារតីនៃកងទ័ព ខំប្រយុទ្ធដ៏អង់អាចក្លាហាន ឱ្យតែបានបាញ់ 1គ្រាប់ណា ក៏ចំសត្រូវដែរ។ ទាល់តែពួកយើងយល់ន័យសម្ដេចតេជោ គឺមិនមែនក្បាលសៀម ពាក់ប៉ាន់ដែក មានន័យថា បើបាញ់ដឹងតែត្រូវហើយ គឺទាល់តែប៉ាន់ដែកទើបមិនបែកក្បាល ដឹងពាក្យថាមិនមែនសៀមទូលលេណដ្ឋានមក មកជាមួយទេ មានន័យថា គ្មានអ្វីការពារខ្លួនទេ គឺដាក់ទៅដឹងតែត្រូវហើយ ទម្លាក់កាំជ្រួចពីលើផងនិងបាញ់ទល់មុខផង ថាតើមានអ្វីដែលអាចទប់ទល់ជាប់? នេះហើយ គឺជាភាពខ្លាំងនៃថ្នាក់ដឹកនាំជាតិខ្មែរ ដែលខ្ញុំតែងតែនិយាយថាគ្មានការសង្ស័យសូម្បីតែបន្តិច ចំពោះយុទ្ធសាស្ត្រនៃយុទ្ធវិធីសង្គ្រាម។

ខ្ញុំសូមគោរពអរគុណបងប្អូន ដែលបានចំណាយពេលវេលាដ៏មានតម្លៃ ដើម្បីអានតាំងពីដើមដល់ចប់ ចុងបញ្ចប់សូមបងប្អូនត្រូវតែជឿជាក់លើរាជរដ្ឋាភិបាលការពារជាតិយើង៕ ចប់ អត្ថបទ Hok Nave