DiscussBot

Ethio Construction Engineering

👉ከውል የማፈንገጥ ሂደት የሚያስከትላቸው ችግሮችና፣ የመፍትሄ ስርዓቶች/Damage, Breach of Contract and Remedies/

💫1.ከውል ማፈንደጥ ስንል ምን ማለት ነው?

🚧በመካከላቸው ህጋዊ የውል ስምምነት ካደረጉ ተዋዋይ አካላት መካከል አንደኛው ወገን በውሉ የተቀመጡ መሠረታዊ ግዴታዎችን ሆነ ብሎ በማወቅ ወይም ባለማወቅ ያለምንም የህግ ድጋፍ ወይም ማብራሪያ በሌለው ምክንያት አለመፈጸም ወይም በውል በተቀመጡ የውል ሁኔታዎች መሠረት መስራት አለመቻልን ከውል ማፈንገጥ /breach of contract/ ይባላል፡፡

🚧ይህ ከውል የማፈንገጥ ሁኔታ በሁለቱ ተዋዋይ ወገኖቸ መካከል ግጭት እንዲነሳ የሚያደርግ ነው፡፡እነዚህን ከውል በማፈንገጥ ምክንያት የሚነሱ ግጭቶች በፍርድ ቤት የመፍታት ሂደት ብዙ ገንዘብ የሚጠይቅና ጊዜ አባካኝ ከመሆኑም ባሻገር ጉዳዩ እስኪቋጭ አዕምሮን ዕረፍት ሊነሳ የሚችልና የሚያስጨንቅ ነው፡፡

💫2.ከውል በማፈንገጥ የተጎጂው አማራጭ መብቶች

🚧በአንድ ተዋዋይ ወገን ከውል ማፈንገጥ ምክንያት ውል ያልተፈጸመለት ወገን ራሱን ለመጠበቅ የሚከተሉትን አማራጭ መንገዶች ሊጠቀም ይችላል፡፡
(ፍትሐ ብሄር ሕግ ቁጥር 1771)

-ለደረሰበት ጉዳት ተመጣጣኝ የጉዳት መቀጮ (ፍብሕቁ 1771(2)

-ውል አስገድዶ ማስፈጸም (ፍብሕቁ 1771(1)

-ውል እንዲፈርስለት መጠየቅ (ፍብሕቁ 1771(1)

💫3.የጉዳት መቀጮ (ፍትሐ ብሄር ሕግ ቁጠር 2360)

🚧የጉዳት መቀጮ ተጎጂው በድርጊቱ የደረሰበትን የጥቅም መቅረት ወይም መቀነስ ለማመዛዘንና ለጉዳቱ መነሻ የሆነው ተግባር ባይፈጸም ኖሮ ተጎጂ ያገኝ የነበረውን ኢኮኖሚያዊ አቋም ለመጠበቅ በታቀደ ዓላማ የሚተገበር አሰራር ነው፡፡ከውል ማፍረስ ጋር ተያይዞ የሚታየው የጉዳት መቀጮ በተዋዋይ ወገኖች መካከል ካለው ተነጻጻሪ ግዴታ አኳያ የአንደኛው ወገን ግዴታውን አለማክበር በሌላው ተዋዋይ ወገን ኢኮኖሚያዊ ጥቅም ላይ ከሚያመጣው አሉታዊ ውጤት አንጻር ነው፡፡ይህ ከውል አፈንጋጩ ግዴታውን በተፈለገው ጊዜና በሚፈለገው አኳኆን አለመፈጸም ለተጎጂው ተመጣጣኝ የሆነ የጉዳት መቀጮ የመጠየቅ መብት ያስፈልገዋል፡፡

🚧ምንጊዜም ቢሆን የተጎጂ ኪሳራ ውሉ በተፈለገው ጊዜና አኳኋን ተፈጽሞ ቢሆን ኖሮ ተጎጂው ሊያገኝ ይችል የነበረው ጥቅም የሚያሟላና የሚያካክስ ሊሆን ይገባዋል፡፡

⏺ከውል በማፈንገጥ ምክንንት የሚነሱ ግጭቶችን ለማርጋት የሚኬድባቸው የተለያዩ ዓይነት የመፍትሄ ስርዓቶች አሉ፡፡

⏺ከውል በማፈንገጥ ምክንያት የሚነሳ ቅሬታ የህግ ተቀባይነት ሲያገኝ፣ በህግ ኪሳራን የማስመለስ ሂደቱ ለሚደርሰው ጉዳት ካሳ የማስከፈል ሂደቱ ከዚህ ቀጥሎ በተቀመጡ መንገዶች መሠረት ይሆናል፡፡

🌟እነዚህም ፡-

i. የተመጣጣኝ ካሳ የኪሳራ መቀጮ/Compensatory Damages/

▶️በተመጣጣኝ ካሳ የኪሳራን መቀጫ፣ ከውል ያፈነገጠው ወገን ለተጎጂው የሚከፍለው መቀጫ የደረሰው ኪሳራ መጠን ተለክቶ ለደረሰው ኪሳራው ልከኛ የሆነ ካሳ በመክፈል የሚደረግ የመቀጫ ዓይነት ነው፡፡

▶️በዚህ ሂደት የሚደረግ የኪሳራ ወይም የጉዳት መቀጮ በተለካው ጉዳት ልክ ስለሚፈጸም ልከኛ መቀጮ/   actual damages/ ብለን ልንጠራው እንችላለን፡፡

ii. በአስተማሪ የቅጣት ርምጃ የሚደረገረግ የጉዳት መቀጮ/Punitive Damages/

▶️ከተመጣጣኝ ካሳ የጉዳት መቀጮ በተለየ ከውል ያፈነገጠው ወገን ጥፋቱን እንዲያርምና እንዳይደግም ማስተማሪያ እንዲሆነው፣ ለሌሎችም ውጫዊ አካላት ጭምር ምሳሌ እንዲሆን ተብሎ የሚሰጠው ወይም የሚጣል የቅጣት ወይም የጉዳት መቀጮ ዓይነት ነው፡፡

▶️አስተማሪ የቅጣት ርምጃ በተመጣጣን ካሳ የጉዳት መቀጮ ላይ ተጨማሪ ሆኖ ሊሰጥ ይችላል፡፡

▶️ይህ ዓይነቱ የጉዳት መቀጮ አልፎ አልፎ ከተመጣጣኝ ካሳ ጉዳት መቀጮ ውጪ ለብቻው ሊፈጸም ይችላል፡፡

iii. የጊዜ ጉዳት መቀጮ(Liquidated damages/Damage from late completion)

▶️ይህ ዓይነቱ የጉዳት መቀጮ የሚተገበረው ከተዋዋይ ወገኖች አንደኛው ሥራውን በውሉ የጊዜ ሰሌዳ መሠረት ለመፈጸም ሳይችል ሲቀር ወይም ስራውን በማዘግየት ከውል ያፈነገጠ እንደሆነ ነው፡፡

iv. አነስተኛ መጠን የጉዳት መቀጮ (Nominal damages)

▶️ከተዋዋይ ወገኖች በአንዱ የተፈጠረው ከውል የማፈንገጥ ሂደት የደረሰው ጉዳት ለታለፍ የሚችልና ውል በተጣሰበት ወገን ላይ የሚያደርሰው ኪሳራ ይህ ነው የማይባል ወይም የሚታለፍ (insignificant) እና በምክር ወይም በማስጠንቀቀቂያ የሚታለፍ ሲሆን ይህ ዓይነቱ የጉዳት መቀጮ ተግባራዊ ይሆናል፡፡

⭐️የ YouTube ቻናላችን ለመቀላቀል ከታች ባለው ሊንክ SubScribe አረገው ቤተሰብ ይሁኑ👇

https://youtube.com/@ethiopianconstruction7?si=ils307xXQQpIdCwG

@etconp

Jan 30 at 13:01

Be the first to add a comment

Comments