‏الحرية هي مفهوم لامكانية الشخص انه يسوي الشيء اللي يبيه بدون اي شرط او ضغط خارجي من احد لكن وش يصير لو شخص كان حر تمامًا باللي يسويه؟ ‏بالبداية بوضح ان الحيوان ( اللي ما عنده عقل يعني ) حر تمامًا باللي يسويه وهو اللي غالبًا ما يتعدا 3 اشياء رئيسية واللي هي:
1-حرية القتل ( الحيوان يقدر يقتل حيوان آخر مثلًا بدون عواقب من احد )
2-حرية الاكل والشرب
3- حرية اشباع رغباته وغرائزه
‏هذي الصفة موجودة بشكل خاص للحيوانات لكن وش يصير لما الانسان يكون حر بكل باللي يسويه؟ طبعًا ما راح يكون فيه نظام وبالتالي القتل والسرقة والنهب كلها واكثر راح تكون موجودة فبإختصار راح يكون فساد.
‏وهنا دور القوانين والتشريعات اللي هي الاساس لكن وش يتجه له العالم حاليًا؟ حسب اللي نشوفه فهو يتجه الى انه شيء فشيء يبدأون يسهلون القوانين ويحاولون قدر الامكان يعطون للشخص اكبر حرية في حياته.

‌‏طيب ايش العلاقة بين الحرية واشباع الرغبات؟ الجواب ممكن ما يكون متوقع لان مهما كنت حر باللي تسويه وعندك كل شيء الا انك لا تزال ما تقدر تشبع كل رغباتك وكل شيء تبيه بالتحديد، يعني الانسان بطبيعته ما عنده حد معين لرغباته اذا كان موجود عندك شيء دايم تحاول تجيب اللي احسن منه.

مجملًا، للانسان اللي يعقل فهو حر باللي يسويه لكن بنفس الوقت تعتبر حرية مقيدة ( بحدود معينة ) على اساس هذي الحرية تكون حياة متوازنة وعادلة لك وللجميع