‏اشوف اكبر شيء انضحك على الناس فيه هي قصص بعض الناجحين وكيف كانوا وايش صاروا ووش فرقك عنهم، يعطونك جزء من الحقيقة واللي هو مثلا انه كان فقير ويخفون لك الجانب الثاني من الحقيقة اللي يكملها واللي هو مثلا ان عمه الغني مات وورث فلوسه. ‏قراءة قصص الناجحين بهدف ان تنجح بمثل الطريقة اللي نجحوا فيها، فهذا يعطيك أمل ضئيل جدًا بشيء صعب جدا تحقيقه، وأسوء عذاب لأي شخص ان تعطيه أمل بشيء يكافح عشانه وينتظره يحصل ذا الشيء مثل ما حصل لناجح ثاني غيره ويتقدم بالعمر وهو على ذا الحال ‏ويكتشف الواقع بعد سلسلة من الجهد ان ما تحقق اي شيء من الاشياء اللي تعب عشان يحصلها والسبب بكل بساطة ان ما جته " الفرصة " او " الحظ " اللي جا للناجح الثاني عشان يحقق اللي حققه. ‏احيانًا تجيك فرص قد تكون تغير مجرى حياتك بالكامل من دورات، وظايف، تدريب، الخ.. لكن تركيزك على فرصة وحيدة لناجح معين هو اللي بيضيعك وكأنك حاط مستقبلك على احتمال واحد من مليار، اذا ما تحقق هذا الاحتمال.. انتهت كل فرص نجاحك.
ذا الشيء خصوصا اذا تقدمت بالعمر اكثر ( لا يمكن تعويضه ). ‏ما اقول ان قراءة قصص الناجحين مو مفيدة كليًا، بالعكس أحيانًا تعطيك الاخطاء اللي وقعوا فيها اللي قبلك وتستفيد منها، لكن الشيء الخاطئ كليًا هو ان تكون طريقة نجاحك بنفس الطريقة لناجح ثاني لان النتائج بنسبة 99% بتكون عكسية تمامًا وبتصير انسان فاشل بكل ما تعنيه الكلمة من معنى