【🚧林鄭死不封關｜彭博：香港已有失敗國家徵兆🦠】

話說中國武漢肺炎肆虐、港人擔心香港被各國封關之際，林鄭幾日前其實去信各國領使，投訴各國對港封關的做法「不合理、無根據」（unjustified and unwarranted），又話香港醫療系統世界一流，叫各國不用擔心。

雖則林鄭一番自我吹噓，外國人自然心裡有譜。好似今日彭博就有篇文，直言香港已經有「失敗國家」徵兆，批評港府拒絕回應反送中訴求，處理疫情進退失據，反映政府無力保護公民及提供基本服務，政權合法性亦經常受到質疑。

作者甚至坦言，沙士一役後，港府到宜家連保障口罩或有效隔離措施都無，搞到市民要盲搶貨，其混亂程度，與自己採訪過嘅非洲及前蘇聯國家無異，認為一切問題不在香港醫療系統，而係林鄭本身。

作者最後講到好白，話外國人嚟香港，除咗要睇資本自由流動、可靠法律體系，仲要睇外國專才能否安全地旅行及工作，質疑經此一役，香港係咪仲有能力充當金融中心。

你以為得一個專欄作家咁稔？錯，篇文一出，多名緊貼香港發展的外媒記者紛紛Retweet 表示認同。當香港繼續不對大陸封關，搞到社區大爆發，外國人自然會稔清楚，日後能否在香港「安全地旅行及工作」，淪為另一大陸城市只是一步之遙。

============
💰支持眾志 www.demosisto.hk/donation