اني الصراحه ما جان عدي علاقه بالإمام ...يعني ما أعرفه حق المعرفه....بس قصه عشقي بدت وياه العام ....يوم من الأيام اختي جابت من مكتبه الكليه مالتها كتاب اسمه (قصه نرجس)....تتكلم هاي القصه عن طالبه جامعيه عاشقه لصاحب الزمان وتعرفت على صديقات بالأقسام وتحجيلهن عن حبها للإمام وشلون الامام مظلوم ومحد يذكره لمن خلتهن يعشقن الإمام مثلها....وأنه آقره ابجي وأكول وين جنت عن الأمام هذا كله ما عرفه ....احنه نأكل ونشرب ومرتاحين والإمام ضال هيج بالبرد والحر وضليت ليلتها على افراشي ابجي واكله مقصرة بحقك سيدي بذيج اللحضه تمنيت كون انه بصحراء واصرخ من كل كلبي يا صاحب الزمان. ....من هاي اللحضه وعدت الإمام ما أتركه..وكمت ما اكدر انام اذا ما اضل أردد يا صاحب الزمان لحد ما نام. .... ونذرت دراستي لاجله وكل حياتي اله ....وأتمنى اشوفه حت لو بالحلم ....أمنيتي اشوفه كبل لا موت لأن هو كل حياتي ....أقرب من امي وأبوي ....عشقي لك سيدي لا ينتهي.... وما انسه فضله عليه بالامتحان الوزاري جان هو سندي واليعيني على الدراسه كلما اتعب اذكرة وأكول لأجلك سيدي وهذا الشي ينطيني حافز للدراسه.....وإني هسه بفضله بعد ربي وصلت جامعه ....والحمد لله والشكر. ... يا صاحب قلبي 💔
