السلام عليكم 🙂‍↔️
حموكشة ماشاء الله كبر وبقا واخد وضعه في البلد من بعد ما بقا في سنة تانية وبياخد تمارين وأجهزة كتير
وطبعًا لا يخفى عليكم ان حموكشة طالب مجتهد من السنة اللي فاتت وكمان بيحب يساعد الناس ...
المهم النهاردة حموكشة كان بيصلي التراويح في المسجد زي عادته وبعد ما خلص صلاة قابله واحد جاره في آخر المسجد .. جاره ده عجوز وعنده 88 سنة (قولوا بسم الله ماشاء الله🫠) وقاله يا حموكشة يابني أنا رجلي كل ما أقف عليها بحس بنغزة كدة في كعب رجلي وألم فظيع ليل نهار ... حموكشة اتنحنح كدة وقاله في سِره "ربنا يدينا عمرك ياحج 😔" … بس احترم نفسه شوية وسأله الألم ده بيكون أكتر بليل ولا النهار...قاله إنه بيزيد عليه في الصبح أول ما يقوم من النوم

طبعًا إحنا عارفين إن حموكشة واد جدع ..راضي ورجولة😂 فأخده من أيده لحد أقرب مركز عندهم في البلد واشتغل عليه بجهاز ما ... مش عارفة الجهاز موجود في بلد حموكشة ازاي رغم إنه جهاز غالي جدًا 🧐

السؤال بقا
1.أذكر التشخيص الدقيق لحالة جار حموكشة
2.أذكر اسم الجهاز الغالي اللي حموكشة اشتغل بيه لجاره

اللي هيجاوب يبعت على البوت هنا
@Physical_Therapy_TBot