كيف تتعامل مع المراهق في مرحلته الأكثر خطورة؟!

🔻افهم طبيعة المرحلة

👈المراهقة مش “سوء تربية” ولا “قلة أدب”، دي مرحلة فيها تغيرات نفسية وجسدية كبيرة.
👈المراهق بيحاول يلاقي له شخصية مستقلة، وده بيخليه يرفض الأوامر أو ينتقد كل شيء.

🔻خفف الأوامر… وزوّد الحوار

👈قلل التعليمات المباشرة، وابدأ تسأله: “إيه رأيك؟”، “تحب نعمل كذا؟”
👈المراهق محتاج يسمع إن صوته.
مهم.

🔻ابني علاقة، مش بس رقابة

👈اقضِ وقت معاه: لعبة، خروجة، أكلة يحبها.
👈الهدف مش تراقبه، الهدف تقرب منه.

🔻أظهر الحب بوضوح

👈لا تعتمد على إنه “عارف إني بحبه”.
👈قلها له: “أنا بحبك”، “أنا فخور بيك”، “أنا حاسس إنك كبرت وبقيت راجل/بنت عاقلة”.

🔻تقبّل التغير، بس حدّد الحدود

👈التمرد لا يعني إنه مفيش قواعد.
👈لكن بدل ما تقول: “لأ وخلاص”، قول: “أنا شايف إن كذا أفضل، علشان كذا وكذا”.

🔻راقب الصحبة من غير تجسس

👈اعرف أصحابه بطريقة ودودة، اسأله عنهم، واستضفهم عندك لو أمكن.

🔻ادعُ الله له كثيرًا

👈لا تنسَ الدعاء… لأن القلوب بين يدي الله.

والله أعلم.

محمد سعد الأزهري
#الأسرة_أمن_وأمان