TNLA နှင့် MNDAA ကြား ငြိမ်းချမ်းရေးထိန်းသိမ်းရန် NUCC တိုက်တွန်း

မောင်ခက်နွေ

မဇ္ဈိမ ။ ။ ညီနောင်မဟာမိတ်အဖွဲ့ဝင်များဖြစ်သည့် TNLA နှင့် MNDAA တို့ကြား လောက်ကိုင်မြို့ဆွေးနွေးပွဲအပြီး အပစ်ရပ်ရေး သဘောတူညီချက်ရသည့် အပေါ် NUGက ကြိုဆိုပြီး နှစ်ဖက်ငြိမ်းချမ်းရေး ဆက်လက်ထိန်းသိမ်းကြရန် NUCC က တိုက်တွန်းလိုက်သည်။

မတ်လ ၁၇ ရက်မှ ၂၀ ရက် အထိ တအာင်း အမျိုးသား လွတ်မြောက်ရေးတပ်မတော် (TNLA )နှင့် ကိုးကန့်တပ် (MNDAA) ခေါင်းဆောင်များသည် လောက်ကိုင်မြို့၌ တွေ့ဆုံဆွေးနွေး ညှိနှိုင်းခဲ့ခြင်းဖြစ်သည်။

“အားလုံးကလည်းပဲ စိုးရိမ်ပူပန်နေကြတဲ့ ကိစ္စပေါ့ဗျာ။ အဲဒီတော့ ဒီကိစ္စအပေါ်မှာလည်းပဲ တော်လှန်ရေးအကျိုးစီးပွားကို ရှေးရှုပြီးတော့ ဒီ သိပ်မကြာလိုက်ဘဲနဲ့ ပေါ့နော် ။ အရမ်းကြီး မကြာသွားဘဲနဲ့ အချင်းချင်း ပြေလည်မှုရသွားတာဟာလည်းပဲ ဒါ အစဉ်အလာကောင်းတခု၊ နမူနာကောင်းတခု ဖြစ်ပါတယ်။ အဲတော့ ဒါကို ဆက်ပြီးတော့ ထိန်းသိမ်းသွားနိုင်ကြလိမ့်မယ်လို့လည်း ကျွန်တော်တို့ မျှော်လင့်ပါတယ် ”ဟု အမျိုးသားညီညွတ်ရေး အတိုင်ပင်ခံကောင်စီ(NUCC) ၏ ကောင်စီဝင် ဦးတိုးကျော်လှိုင်က မဇ္ဈိမကို ပြောသည်။

တော်လှန်ရေးအတွက် အရေးကြီးသည့်…