🟣 Flexion & Extension

الحركتين دول بيحصلوا في sagittal plane، وبيغيّروا الزاوية بين عظمتين.

- Flexion (الثني):
بنقلل الزاوية بين عظمتين.
✔️ Elbow Flexion: ثني الكوع → الزاوية بين humerus و ulna بتقل.
✔️ Knee Flexion: الركبة بتثني والكعب يقرب من المؤخرة.

- Extension (المد):
بنزود الزاوية بين عظمتين.
✔️ Elbow Extension: مد الكوع → الزاوية بتكبر.
✔️ Knee Extension: فرد الرجل.
---

🟣 Abduction & Adduction

Abduction = حركة بعيد عن خط المنتصف (Midline)
Adduction = حركة ناحية خط المنتصف

- Abduction:
✔️ Shoulder Abduction: رفع الذراعين على الجنب.
✔️ Hip Abduction: رجلك تخرج لبرا.
✔️ Finger Abduction: تفريق الصوابع بعيد عن الصباع الأوسط.

- Adduction:
✔️ Shoulder Adduction: ضم الذراع لجسمك.
✔️ Hip Adduction: ضم رجلك الناحية التانية.
✔️ Finger Adduction: لم الصوابع ناحية الصباع الأوسط.

📌 تفتكرها كده:
- Abduction = Abduct = يخطف بعيد عن الجسم
- Adduction = Add = يضيف للجسم
---

🟣 Medial & Lateral Rotation

حركة دوران حوالين long axis بتاع الطرف.

- Medial (Internal) Rotation – دوران للداخل:
حركة بتقرب الطرف من الـ midline.
✔️ لف رجلك لحد ما صوابع القدم تشير لجوه.
- Lateral (External) Rotation – دوران للخارج:
حركة بتبعد الطرف عن الـ midline.
✔️ لف رجلك لصوابع القدم لبرا.
---

🟣 Dorsiflexion & Plantarflexion

حركات بتخص مفصل الكاحل والقدم.
- Dorsiflexion (رفع القدم لفوق):
رفع مشط القدم ناحية السقف.
✔️ زي لما توقف على كعبك وترفع أصابعك.

- Plantarflexion (ضغط القدم لتحت):
توجيه مشط القدم ناحية الأرض.
✔️ زي لما توقف على أطراف أصابعك (tiptoes).

📌 نفتكرها كده:
- Dorsiflexion = Door (الدرج) = رفع القدم لفوق
- Plantarflexion = Plant (زرع) = دفع القدم لتحت
---

🟣 Supination & Pronation

الحركتين دول بيحصلوا في الـ forearm.

- Supination (الاستلقاء):
✔️ في الدراع: راحة إيدك لفوق ناحية الوجه (زي لما تكون شايل طبق شاي).

📌 Supination = Soup = راحة اليد لفوق

- Pronation (الانبطاح):
✔️ في الدراع: راحة إيدك لتحت ناحية الأرض.
📌 Pronation = Pour = راحة اليد لتحت

نصيحة:
لو واجهت صعوبة في فهم الحركات دي، جرب تلف إيدك ناحية وشك دا كدا (ذايل الطبق) (Supination) وبعدين كأننا بنصب الشاي دا وضع (Pronation).
---

🟣 Inversion & Eversion

الحركات دي بتحصل في Ankle joint:

- Inversion (الانقلاب للداخل):
✔️ الكعب ثابت وباطن القدم يلف لجوه.
📌 Inversion = Inward = القدم تتوجه لجوه

- Eversion (الانقلاب للخارج):
✔️ الكعب ثابت وباطن القدم يلف لبرا.
📌 Eversion = Outward = القدم تتوجه لبرا

نصيحة:
حاول تتخيل لما "تلوي" رجلك للداخل أو الخارج، وده مهم تعرفه كويس لتجنب التواء الكاحل.
---

🟣 Elevation & Depression

بتحصل في الكتف أو الفك:

- Elevation (الرفع):
✔️ رفع الكتف لفوق (زي لما تهز كتافك).
✔️ رفع الفك (لما تقفل بوقك).

- Depression (الخفض):
✔️ خفض الكتف لتحت.
✔️ فتح الفك لتحت.

نصيحة:
لما تيجي ترفع أو تخفض كتفك، حاول تحس بالعضلات اللي بتتحرك عشان تتعود على الحركة.
---

🟣 Protraction & Retraction

بتتم في الكتف أو الفك:

- Protraction (الدفع للأمام):
✔️ دفع الكتف لقدام (زي لما تمد دراعك عشان تطول حاجة).
✔️ الفك يندفع لقدام.

- Retraction (السحب للخلف):
✔️ سحب الكتف لورا (وضعية استقامة الظهر).
✔️ الفك يرجع مكانه الطبيعي بعد الدفع.

نصيحة:
التمرين ده مهم لو عايز تحسن وضعية جسمك وتقلل ألم الظهر والرقبة.
#Anatomy_1