👉በኮንስትራክሽን ዘርፉ የመጀመሪያው ዓለም አቀፍ የ'ተጠያቂነት ያለው የመስታወት አመራረት’ መስፈርት ረቂቅ ይፋ ሆነ

🌟ዘመናዊውን የግንባታ እና የሥነ-ሕንፃ (Architecture) ዘርፍ ሙሉ በሙሉ በሚባል ደረጃ የሚመራው የመስታወት ምርት፣ እስካሁን ድረስ ኃላፊነት ላለው አመራረት የሚሆን ዓለም አቀፍ የጋራ መስፈርት (Global Standard) ሳይኖረው መቆየቱ ተገለጸ።

ይህንን ከፍተኛ ክፍተት ለመድፈን የተቋቋመው ResponsibleGlass የተሰኘው ዓለም አቀፍ ድርጅት፣ የመጀመሪያውን "ResponsibleGlass International Standard for Glassmaking" የተሰኘ ረቂቅ መስፈርት ይፋ ማድረጉን የድርጅቱ ሊቀመንበር ፍራንሲስ ሰሊቫን (Francis Sullivan) አስታውቀዋል።

እንደ እንጨት (FSC)፣ አሉሚኒየም (ASI) እና ብረት (ResponsibleSteel) ያሉ የግንባታ ቁሳቁሶች ጥራታቸውንና አካባቢያዊ ተጠያቂነታቸውን የሚያረጋግጡ ዓለም አቀፍ የምስክር ወረቀቶች ቢኖራቸውም፣ መስታወት ግን እስካሁን ድረስ እንዲህ ዓይነት ወጥ የሆነ ማዕቀፍ አልነበረውም።

▸◂ ከካርቦን አሻራ ባሻገር ያተኮረ ረቂቅ መስፈርት

በየዓመቱ በዓለም አቀፍ ደረጃ የሚካሄደው የመስታወት ማቅለጥና አመራረት ሂደት ከ95 ሚሊዮን ቶን በላይ የካርቦን ዳይኦክሳይድ (CO₂) ልቀት እንደሚያስከትል ይገመታል። አዲሱ ረቂቅ መስፈርት ይህንን የካርቦን ልቀት ለመቀነስ ከሚደረገው ጥረት ባሻገር፣ የሚከተሉትን ዋና ዋና ጉዳዮች ያካትታል፦

▸◂ ኃላፊነት ያለው የጥሬ ዕቃዎች አጠቃቀም፦

እንደ ሲሊካ አሸዋ (Silica Sand) እና ሶዳ አሽ (Soda Ash) ያሉ ግብዓቶች ከምንጭ አውጣጣጣቸው ጀምሮ ያላቸውን ተፅዕኖ መቆጣጠር፣

▸◂ የአካባቢና የውሃ እንክብካቤ፦

የውሃ አጠቃቀምን ማሻሻል እና የብዝሃ ሕይወት ጥበቃን ማረጋገጥ፣

▸◂ የማህበራዊ ኃላፊነት እና የሠራተኞች መብት፦

የሥራ ላይ ጤናና ደህንነትን እንዲሁም ሰብአዊ መብቶችን ማከበር፣

▸◂ መልሶ ጥቅም ላይ ማዋል (Circularity)፦

የመስታወት ምርቶች አገልግሎት ከሰጡ በኋላ በቆሻሻ መጣያ ውስጥ ከመደፋት ይልቅ እንደገና ጥቅም ላይ የሚውሉበትን የዲዛይንና የስብስብ መሠረተ ልማት ማጠናከር።

▸◂ ዘላቂነትን በማስረጃ ማረጋገጥ

የResponsibleGlass ሊቀመንበር ፍራንሲስ ሰሊቫን እንዳብራሩት፣ አዲሱ ማዕቀፍ በኮንስትራክሽን ዘርፉ የሚታየውን ሐሰተኛ የአካባቢ ጥበቃ ጥያቄዎች (Greenwashing) በመከላከል፣ አርክቴክቶች፣ አልማቾች እና ተቋራጮች በቂና ወጥ የሆነ መረጃ መሠረት በማድረግ የግዢ ውሳኔ እንዲወስዱ ያስችላቸዋል።

ይህ ረቂቅ መስፈርት በመስታወት አምራቾች ብቻ የተዘጋጀ ሳይሆን፤ እንደ WE Soda (ጥሬ ዕቃ አቅራቢ)፣ Arup እና ERM CVS (የኢንጂነሪንግና ዘላቂነት ባለሙያዎች)፣ Waugh Thistleton Architects (አርክቴክቶች)፣ Bovis (ተቋራጭ)፣ Jaguar Land Rover (ተጠቃሚ አምራች) እና Climate Group ያሉ ከ23 በላይ መሥራች አባላትንና ድርጅቶችን ያቀፈ ትብብር ነው።

የሕዝብ አስተያየት መስጫ ወቅት
በአሁኑ ወቅት ይፋ የሆነው ይህ ረቂቅ መስፈርት ፍጹም የተጠናቀቀ ባለመሆኑ፣ ከሁሉም የዘርፉ ባለድርሻ አካላት፣ ከፖሊሲ አውጪዎች እና ከሲቪል ማህበረሰብ ድርጅቶች አስተያየት ለመሰብሰብ እስከ ሴፕቴምበር 18, 2026 ድረስ ለ60 ቀናት ክፍት ሆኖ ይቆያል።

ይህ ጥረት ከተጠናቀቀ በኋላ፣ የመስታወት ኢንዱስትሪው ለዘላቂ ኮንስትራክሽን የሚያደርገውን አስተዋፅኦ በግልጽ ለማሳየትና አጠቃላይ ዘርፉን ወደተሻለ ደረጃ ለማሸጋገር ትልቅ መሠረት እንደሚሆን ይጠበቃል።

@etconp