👉በኘሮጀክት ማኔጅመንት ፕሮፌሽናል ላይ ያተኮረ ስልጠና መስጠት ተጀመረ
 
🌟የኮንስትራክሽን ማኔጅመንት ኢንስቲትዩት ከሚድሮክ ኢትዮጵያ ኃላፊነቱ የተወሰነ የግል ማህበር ጋር በመተባበር  በኮንስትራክሽን ዘርፍ ላይ ለተሰማሩ አመራሮችና ባለሙያዎች  ስልጠና መስጠት ተጀመረ።

በስልጠናው ማስጀመሪያ ኘሮግራም ላይ የተገኙት የሚድሮክ ኢትዮጵያዊ  አመራሮች የሆኑት ዶ/ር ልዑል አስራቴ  (የሚድሮክ ኮንሰልት አርክቴክቼር & ኢንጅነረስ ጀነራል ማኔጀር)  እና ኢ/ር ወልደ በርኼ( በሚድሮክ ኢትዮጵያ  ኃ.የተ. ኩባንያ ጀኔራል ማኔጀር) ሲሆኑ በመልዕክታቸውም የኘሮጀክት አመራር ዘይቤ ቀድሞ ከነበረው  በብዙ የተለወጠ በመሆኑ በቀድሞው መንገድ በመምራት ተወዳዳሪ፣ ውጤታማና ደንበኛን ማርካት አያስችልም ብለዋል።

ስለሆነም ዘመናዊውን የኘሮጀክት አመራር ዘይቤን መከተል አስፈላጊና ግዴታ እንደሆነ አስገንዝበዋል።

ለዚህ ደግሞ የኘሮጀክት ማኔጅመንት ኘሮፈሽናል ስልጠና በመውሰድ እና በዓለም አቀፍ ደረጃ ሰርትፋይድ መሆን ስቻል  እንደሆነ አስገንዝበዋል።

የስልጠናው ተሳታፊዎችም ይህንን አውቆ ስልጠናውን በተገቢው ሁኔታ በመከታተል ስለጉዳዩ እውቀትና ክዕሎታቸውን በማሳደግ በዓለም ዓቀፍ ደረጃ የምስክር ወረቀት መያዝ እንዳለባቸው አበክረው መልዕክታቸውን አስተላልፈዋል።

በኢንስቲትዩቱ በኩልም የዘርፉን ተወዳዳሪነት ለማሻሻል  የዘርፉ ተዋናይ ለሆኑት አመራሮችና ባለሙያዎች የተለያዩ የሀገራችን ነባራዊ ሁኔታን መሠረት ያደረጉ የአቅም ግንባታ ስልጠናዎችን እንድሁም ዓለም አቀፍ የሆኑ ስልጠናዎችንም በመስጠት ላይ እንደሚገኝ ጠቅሰው፣ ከዓለም አቀፍ ስልጠናዎች ውስጥ አንደኛው ኘሮጀክት ማኔጅመንት ኘሮፈሽናል(PMP) አንዱ ነው ብለዋል።

ይህም ስልጠና ኘሮጀክቶቻችን ውጤታማና ተወዳዳሪ  እንድሆኑ ከማድረግ አንጻር ሚናው የላቀ ነው በማለት ተናግሯል።

በዚህ ስልጠና ላይ ከሚድሮክ ኢትዮጵያ  የተውጣጡ 25 አመራሮችና ባለሙያዎች  እየተሳተፉ የሚገኙ ሲሆን ስልጠናውም ለ6 ተከታታይ ቀናት በተለያዩ አሰልጠኞች የሚሰጥ መሆኑን ከወጣው መርሐ-ግብር መገንዘብ ተችሏል።

@etconp