من اكثر المهارات الي ممتن للعلاج الطبيعي انه علمهالي في حياتي هي ال adaptability
العلاج الطبيعي عموما بيعلمك غصب عنك المهارة دي لانه بيعرضك كل يوم لمرضى اشكال والوان بمختلف الاعمار وال backgrounds وال social levels وال lifestyle وكلهم بيتغيروا عليك كل يوم ..
وطبعا احتكاكك بالمرضى بيطول ، وبالاخص النيورو لانك ممكن تشوفه اكتر ما بتشوف اصحابك وقرايبك فإدارتك لجلسة كل مريض فيهم لازم تبقى مختلفة ، مينفعش تتعامل بنفس الوش مع كله ..
مهم جدا يبقى عندك المرونه والخفية في التغير والتأقلم مابين الجلسه والجلسه ، كمثال الشاب هتفكها معاه والبيزنس مان هتديله وضعه وبرستيجه في الالقاب والاحترام والسيدات هتديها تعاطف واهتمام اكتر ، تخيل تغير نمط حوارك واسلوبك ٢٠ مره في اليوم على الاقل .. شئ مرهق جدا ومحتاج تدريب عشان تقدر تتأقلم عليه ولو شاطر اوي وعايز ت build trust في ال subconscious بتاع مريضك هتقدر تستخدم Mirroring communication ودي مهاره اكثر تعقيدا وارهاقا من ال adaptability بس الشاطر فيها بيكسر الدنيا ..
المفروض انك تخرج بخبره غير طبيعية في التعامل مع البشر بمختلف طباعهم ، وتقدر تفصل كويس اوي بين كل موقف وموقف ، وتقدر تتواصل مع اي حد خلقه ربنا لانه ياما عدى عليك
ليه بقول كل ده .. عشان اقولك ( ركز ) جلستك مهم فيها ال Clinical knowledge و ال manual skills ..
لكن الاهم فيها هي المهارات دي ، وزي مابتشتغل على نفسك في الكورسات اشتغل على نفسك كل يوم في ال soft skills واتعلم كل يوم من اخطاءك في التواصل مع الناس مش عيب ، النهارده قولت كلمه مكانش ينفع تتقال او احرجت حد او تجاهلت حد .. ركز واقعد مع نفسك وشوف المشكله كانت فين .. هل طبع محتاج تغيره ولا ضغط نفسي ولا تسرع في رد الفعل ورعونه محتاج تهدي نفسك وتظبطها بعد كدا ..
دي كلها مهارات مكتسبه عادي جدا يعني ممكن تبقى منطوي ومش عارف تتكلم كلمتين على بعضهم بعد سنه من الشغل والتعامل تبقى متحدث لبق وقادر تتواصل كويس مع الناس
الكلام ده مش محتاج كورسات بقدر ماهو محتاج تركز كل يوم مع نفسك وتسترجع مواقف اليوم وتصلح الاخفاقات وتكافئ نفسك على النجاحات
عشان كدا بقول لكل الشباب الي عايزه تغير الكارير بتاعها بدري تصبر لحد ما تاخد خبره التعامل مع المرضى ، لان المهارات الي هتتعلمها في ال partition مع المريض مش هتتعلمها في حته تانية