(မဇ္ဈိမ) ။ ။ ရွှေဆိုင်ပိုင်ရှင်မိသားစု စီးလာသည့် ကားကို ဓားပြတိုက်မှုဖြင့် မန္တလေးတိုင်း၊ ပုသိမ်ကြီးမြို့နယ် ပြည်သူ့စစ် ဒုခေါင်းဆောင် ကောင်းမြတ်စံ (ခ) မှန်ကြီးကို စစ်ကောင်စီက ဖမ်းဆီးလိုက်ကြောင်း ဒေသခံများက ပြောသည်။

ကောင်းမြတ်စံ (ခ) မှန်ကြီးသည် ပုသိမ်ကြီးမြို့နယ် မဲကင်းကုန်းကျေးရွာအုပ်ချုပ်ရေးမှူးရုံးအတွင်းရှိနေစဉ် ဖေဖော်ဝါရီ ၂၂ ရက်က အင်အား ရှစ်ဦးပါ စစ်ကောင်စီရဲအဖွဲ့က ဝင်ရောက်ဖမ်းဆီးခေါ်ဆောင်သွားခြင်းဖြစ်ကြောင်း အမည်မဖော်လိုသည့် မဲကုန်းရွာသားတဦးက မဇ္ဈိမ ကို ပြောသည်။

"မျက်နှာကို အနက်ရောင်ပုဝါစီးပြီး ဖမ်းသွားတယ်။ ဓါးပြတိုက်မှုနဲ့လို့ သိရတယ်။ မှန်ကြီးက ပြည်သူ့စစ် ဒုခေါင်းဆောင်ဆိုတော့ ပုသိမ်ကြီးမှာ အနံ့ဆိုး အတော်ထွက်တဲ့ကောင်ပါ။ သူ့လူ ငါးယောက်လောက်နဲ့ မတ်တူးကား တစီးနဲ့ ပါတ်နေတဲ့ကောင်ပါ"ဟု မဲကုန်းကျေးရွာသား တဦးကပြောသည်။

Read more: https://bur.mizzima.com/2025/02/26/47765