​​АҚШ Президенти Дональд Трамп Шавкат Мирзиёевга мактуб йўллади.

Дональд Трамп Шавкат Мирзиёевга ва 2020 йил 1 май куни Сардоба сув омборининг тўғони қисман қулаши оқибатида жабрланганларга ҳамдардлик билдирган.

Унинг қайд этишича, сув остида қолган уйлар, кўчирилган аҳоли, вайрон бўлган йўллар ва фермер хўжаликлари тасвирларини кўриш қалбни ларзага солади.

“Шахсий эътибор ва тезкор чоралар кўриш орқали Сиз лидерлик хусусиятларни намойиш этдингиз. Давлат департаменти ва АҚШ Халқаро тараққиёт агентлиги ҳам ушбу фожиага жавобан дарҳол чора кўрдилар ва кўмак кўрсатишга қаратилган саъй-ҳаракатларимиз учун маблағ ажратдилар. Америка Қўшма Штатлари ушбу мушкул пайтда Ўзбекистон ва унинг халқига елкадошдир”, дейди Дональд Трамп.

Оқ уй раҳбари, шу билан бирга, давлатлар коронавирусга қарши курашда биргаликда иш олиб борар экан, ушбу мудҳиш пандемияга қарши чора-тадбирлар учун ёрдам бўйича Ўзбекистон ҳукуматининг сўрови тез фурсатларда кўриб чиқилишини таъминлаш учун ўз маъмуриятига кўрсатма берганини қайд этган.
 

👉 @xushnudbek 👈