​በመርካቶ የሚገነባው የ2,500 ዘመናዊ ሱቆች ሜጋ ፕሮጀክት ይፋ ሆነ

​የፌዴራል ቤቶች ኮርፖሬሽን በመርካቶ ጣና ገበያ አካባቢ ከ10,000 በላይ ዜጎች የሥራ ዕድል የሚያገኙበት እና 2,500 ዘመናዊ የንግድ ሱቆችን የሚያጠቃልል አዲስ የግንባታ ፕሮጀክት አስጀመረ።

​ 1 ነጥብ 8 ሄክታር ስፋት ባለው መሬት ላይ በ10 ሳይቶች የሚከናወነው ይህ ፕሮጀክት ባለ 5 ወለል ሕንጻዎችን፣ በቂ የፓርኪንግ ቦታዎችን እና የከተማዋን ስታንዳርድ የጠበቁ ዘመናዊ መዋቅሮችን ያካተተ ነው።

​የተቋሙ ገቢ ማሻሻያ፡ የኮርፖሬሽኑ ዋና ሥራ አስፈጻሚ ዶ/ር ረሻድ ከማል በግንባታ ማስጀመሪያው ላይ እንደገለጹት፤ ኮርፖሬሽኑ ባደረገው ጠንካራ ሪፎርም ዓመታዊ ገቢውን ከነበረበት 300 ሚሊዮን ብር ወደ 12.5 ቢሊዮን ብር ማሳደግ ችሏል።

​ለግንባታ ሲባል የፈረሱ የቀድሞዎቹን 230 ሱቆች ተክቶ የኮርፖሬሽኑን ገቢ ለማስቀጠል፣ ተጨማሪ 399 አዳዲስ ሱቆች በመርካቶ አዳራሽ ገበያ አካባቢ በአጭር ጊዜ ተገንብተው በዛሬው ዕለት አገልግሎት መስጠት ጀምረዋል።

​ፕሮጀክቱ በዜሮ ኢንቨስትመንትና የግል ባለሀብቶችን አሳታፊ በማድረግ ከአንድ ዓመት ባነሰ ጊዜ ውስጥ ሙሉ በሙሉ ተጠናቀው ለአገልግሎት እንደሚበቁ ታውቋል።

​ግንባታው ለአዲስ አበባ ከተማ ኮሪደር ልማትና ዘመናዊ ገጽታ ግንባታ ትልቅ አስተዋጽኦ የሚያበረክት ሲሆን፤ ኮርፖሬሽኑ ብቁ ለሆኑ የግል አልሚዎች በጋራ ለመሥራት ጥሪ አቅርቧል።

@etconp