ساوالي تيليم خان


باشي اوجا قارلي داغلار
ائللر سني آتار بيرگون
يوخدور يوللاريي راهداري
بازرگانلار اؤتر بيرگون
*
شئهده باغلار تؤکر يارپاق
اولموشام آنامدان چيلپاق
اوستونده گزديگيم تورپاق
آلار آستا ياتار بيرگون
*
بو دونيادا مرد ايگيدلر
يوکونو گؤهردن يوکلر
بدنده پيچ-پيچ سوموکلر
تورپاقلارا باتار بيرگون
*
گؤيده بولودلار دولانير
درين دريالار سولانير
قبريم اوسته داش قالانير
اؤت گؤيرر بيتر بيرگون
*
تيليم دئيير: آدام اؤلر
گؤزو تورپاغينان دولار
قارينچالار بير-بير گلر
باشدا مسکن توتار بيرگون

چند بند از شعری که آشیق می‌خواند