ရှေးဟောင်းစေတီပုထိုးများစွာ တည်ရှိသည့် ပုဂံ၊ ညောင်ဦးမြို့နယ်တွင် လူပျောက်၊ ပြန်ပေးဆွဲမှုများ မကြာခဏ ဖြစ်ပွားနေသဖြင့် မြို့ပြင်နေရာများကို သတိဖြင့်သွားလာရန် လိုအပ်ကြောင်း မြို့ခံများကပြောသည်။

“ပုဂံကိုလာမယ်ဆိုရင် ဧည့်သည်တွေအနေနဲ့ မြို့ထဲမှာတော့ လုံခြုံမှုတော့ရှိသေးတယ်။ ဒါပေမယ့် သွားမယ်လာမယ်ဆိုရင် ပုဂံကနေ အရှေ့ဘက်အရပ် ပုခုက္ကူ-မြင်းခြံဘက်ထွက်မယ်ဆိုရင် ထွက်လို့မကောင်းဘူး။ သွားမယ်ဆိုရင်တောင် ဂိတ်ဆုံး ကျောက်ဂူဥမင်တောင်မသွားသင့်ဘူး။ အနောက်အရပ်ဆိုရင် လောကနန္ဒာဘုရားကို အစွန်ဆုံးထားပြီးမထွက်သင့်ဘူး။ စေတနာကြီးပုထိုးကစပြီးတော့ လုံခြုံမှုမရှိတော့ဘူး။ အဲ့ဘက်တွေမှာ စကစ ဂိတ်တွေရှိတယ်။ တောင်ဘက်မှာတော့ ကျောက်ပန်းတောင်းလမ်းပဲပွင့်တော့တယ်။ အဲ့ဘက်တလျှောက်လည်း စကစ ဂိတ်တွေပဲများတယ်။ အဓိကလက်ရှိဖြစ်နေတာတော့ အဲ့ဒီပုပ္ပါးဘက်သွားတဲ့ဝန်းကျင်မှာသတင်းပိုထွက်တယ်” ဟု ပုဂံမြို့ဒေသခံတဦးက ပြောသည်။

Read more: https://bur.mizzima.com/2026/02/28/83337