السكوت مو معناه صمت، السكوت مؤقت وسكوت ذكي،
-
بدخل بشكل سريع وبطريقة نقاط للفوايد من السكوت.
-
أولاً: هو فوايد السكوت ان اذا كل شي كان معلوم او واضح او مكشوف او تعبرين عنه فيفقد قيمته ويخلي الطرف الثاني ما يسعى ان يعرف او يتكلم او يتناقش او يحاول ان يصير اي تواصل عميق ليش؟
بكل بساطه لأن انتي تتكلمين عن كل شي وعن اي شي.
-
ثانياً: لأن الرجل فطرياً محدود الكلمات او الكلام فـ دايم تبين تعرفين اللي داخله وتخيلي شنو تسوين عشان تعرفين؟ اي تخيلي معاي اسئلتج الدايمه وكلامج وطلبات واتصالات وكل الحركات اللي ودج منها تعرفين شنو داخله.
-
ثالثاً: القيمه للكلمه من أهم النقاط اللي تفقدها البنت بأنها ما تكون مسموعه من الرجل لأن كلماتها كثيره ومشموله بكل شي ، مثلاً نقول شخص يملك معلومه قيمه ومهمه لو كل يوم يقولها لك بعد فتره بسيطه من تكرارها المستمر راح تفقد قيمتها!
-
البنت تشتكي دايم ان الرجل ما يسمع او ما يحترم كلمتها او يقلل من كلمتها او ما يسولف معاها؟ انزين ليش؟ سؤال بسيط.
الجواب انتي السبب ان كلمتج عنده افقد قيمتها لأن دايم تتكلمين ودايم تعبرين ودايم تقولين اللي داخلج دايم تقولين عن مشاعرج وغيرها وغيرها.
تكرار الشي يفقده وقلته تزيد قيمته بكل بساطه.
-
رابعاً: السكوت المتقطع تهذيب للنفس ويعطيج سيطره على نفسج وقوة لج ولمشاعرج ونفسيتج وتفكرين، كل ما تكلمتي عن ضعف او عبرتي عنه او كلام مكرر كل ما سيطر عليج هذا الضعف وكل ما قللتي منه كل ما سيطرتي عليه!
-
خامساً: السكوت المتقطع يعطي الرجل مساحه اكبر ان يسولف يتكلم ويحب كلامج لأن له قيمه وتخلينه يسعى يملي فراغ السكوت ويقوم بدوره ان يتكلم ويعبر ويسولف،،
مثلاً كل يوم تقولين له احبك! اهو دوره شنو؟ يرد عليج ويقول لج وانا بعد اي انا احبج ،، ومع الوقت يرد عليج بغير نفس ليش؟ لأن مستمره واهو ماله دور فلو تقولينها مثلاً مره من فتره لفتره؟ بين هالفترات اهو يقولها بعد #وطبعا قيسي هذا المثل على كل شي ثاني.
-
سادساً: السكوت المتقطع يخلق لغة تحاور حلوه ولغة التحاور هي التواصل.
واذا فقدنا التواصل فقدنا التحاور والاثنين مكلمين مع بعض، نتواصل ونتحاور ونتعايش بكلام حلو،
#مثلا شخص كل ما تتواصل وتتحاور معاه يحن او متشائم او يحبطك او يقيدك او ينتقدك او يتعبك او يحقق هذا ليش وهذا شنو وليش سويت وليش فعلت وغيرها وغيرها من الامور المتعبه! كل ما نفرت منه،
-
بعكس الشخص اللي اذا تحاورت وتواصلت معاه تضحك وتاخذ معلومه او ثقافه او يحفزك او يشجعك او يساعدك او تسولف مع عقل ومره حب ومره رومانسيه ومره عن مستقبل وتنوووع كامل بالسوالف، هذا الانسان ود