👉ኢትዮጵያ ዓለም አቀፍ ደረጃውን የጠበቀ የህፃናት ሙዚየም ልትገነባ ነው።

💫ኢትዮጵያ ለመጀመሪያ ጊዜ ዓለም አቀፍ ደረጃውን የጠበቀ የህፃናት ሙዚየም ልትገነባ መሆኑን የቱሪዝም ሚኒስቴር ሚኒስትር ዲኤታ አቶ ስለሺህ ግርማ አስታወቁ። ፡

ሚኒስትር ዴኤታው አቶ ስለሺህ ግርማ ለጋዜጣ ፕላስ እንደገለጹት በአዲስ አበባ ከተማ ዓለም አቀፍ ደረጃውን የጠበቀ የህፃናት ሙዚያም ለመገንባት የሚያስችሉ እንቅስቃዎች ተጀምረዋል፡፡

በተለያዩ የዓለም ክፍሎች የህጻናት (የልጆች) ሙዚየም ተከፍተው ይጎበኛሉ ያሉት አቶ ስለሺህ ህጻናትን ስለአገራቸው እንዲያውቁና በትምህርት ቤት የሚማሯቸውን በሙዚየሙ የሚመለከቱበትን ዕድል ይፈጥራል ብለዋል፡፡

ከቼክ ሪፐብሊክ መንግስት ጋር በመቀናጀት የህጻናት ሙዚየም ለመገንባት የዲዛይን ሥራ እየተከናወነ መሆኑን ጠቅሰው በቅርቡ ለመጀመሪያ ጊዜ እንደአገር የህጻናት ሙዚየም እንደሚገነባ ገልጸዋል፡፡

ሙዚየሙን በወዳጅነት ፓርክ አካባቢ ለመገንባታ ታቅዷል። አስፈላጊው የዝግጅት ሥራ መጠናቀቁንም ጠቁመዋል፡፡

ህጻናት ስለሳይንስ ፣ ማህበራዊ ህይወት ፣ ጂኦግራፊፈ፣ ታሪክ እና ባህል እውቀት የሚቀስሙበት እንደሚሆን የገለጹት አቶ ስለሺህ፣ ተማሪዎች በንድፈ ሀሳብ የተማሩትን በተግባር የሚያዩበትን እድል ይፈጥራል ብለዋል፡፡

ሙዚየሙ ህጻናት ስለአገራቸው የሚማሩባቸው አምሳያዎችን ጨምሮ ፣ መዝናኛና መመገቢያ ቦታዎች እንደሚኖሩት በመግለጽ ፣ ህጻናቱ እየነኩና እያዩ የሚማሩበት በመሆኑ ዓለም አቀፍ ደረጃውን የጠበቀ እንደሚሆን አስረድተዋል፡፡

የግንባታ ሥራው አጠቃላይ ሁኔታ በኢትዮጵያና በቼክ ሪፐብሊክ መንግሥት በጋራ ቅንጅት እንደሚከናወን ጠቅሰው፣ ግንባታውን ለማስጀመር መሰረታዊ የሆነ የቅድመ ዝግጅት ሥራ መጠናቀቁንና ፕሮጀክቱ መጽደቁን ተናግረዋል፡፡

ዘገባው የጋዜጣ ፕላስ ነው።

@etconp