ပါရှန်ပင်လယ်ကွေ့အတွင်းရှိ အဆိုပါကျွန်းကို အမေရိကန်က တိုက်ခိုက်ခဲ့သော်လည်း ရေနံဆိုင်ရာ အခြေခံအဆောက်အအုံများကို ထိခိုက်မှုမရှိစေဘဲ ချန်ထားခဲ့သည်။ သို့သော် အီရန် သို့မဟုတ် အခြားမည်သူမဆို ဟော်မုဇ်ရေလက်ကြားမှ သင်္ဘောများဖြတ်သန်းမှုကို အနှောင့်အယှက်ပေးပါက ထိုအဆောက်အအုံများအား လုံးဝချေမှုန်းပစ်မည့် ဆုံးဖြတ်ချက်ကို ပြန်လည်သုံးသပ်သွားမည်ဟု သမ္မတ ဒေါ်နယ်ထရမ့်က သတိပေးထားသည်။

အီရန်ကမ်းခြေမှ ၂၁ မိုင် (၃၃ ကီလိုမီတာ) အကွာတွင်ရှိသော ထိုသန္တာကျွန်းငယ်လေးသည် အီရန်နိုင်ငံ၏ ရေနံတင်ပို့မှုအားလုံးနီးပါး ဖြတ်သန်းသွားရာ အဓိကဆိပ်ကမ်းဖြစ်သည်။ စစ်ပွဲစတင်ကတည်းက အီရန်သည် ရေနံစိမ်းစည်ပေါင်း ၁၃ ဒသမ ၇ သန်း တင်ပို့ခဲ့ပြီး ဗုဒ္ဓဟူးနေ့က ရရှိသော ဂြိုဟ်တုဓာတ်ပုံများတွင် ခါ့ဂ်ကျွန်း၌ ရေနံတင်သင်္ဘော အမြောက်အမြား ရေနံဖြည့်နေသည်ကို တွေ့ရကြောင်း သင်္ဘောသွားလာမှု ထောက်လှမ်းရေးကုမ္ပဏီ TankerTrackers.com က ဆိုသည်။

ဗြိတိန်က ပင်လယ်ကွေ့မှ ဆုတ်ခွာသွားပြီးနောက် အာရပ်စော်ဘွားများပြည်ထောင်စု (UAE) မဖွဲ့စည်းမီ ရက်ပိုင်းအလို ၁၉၇၁ ခုနှစ် နိုဝင်ဘာလတွင် အီရန်တပ်ဖွဲ့များက ထိုကျွန်းများကို သိမ်းပိုက်ခဲ့သည်။ အီရန်သည်…