တီဟီရန်မြို့လယ်ရှိ ဖာဒေါစီရင်ပြင်အနီးတွင် မွန်းတည့်ချိန်တွင် ပေါက်ကွဲမှု ဖြစ်ပွားခဲ့သည်။ ထိုနေရာ သည် နှစ်စဉ်ကျင်းပမြဲဖြစ်သော အယ်လ်ကွက်စ်နေ့ ချီတက်ပွဲအတွက် လူပေါင်းသောင်းနှင့်ချီ၍ စုဝေးနေ ကြသည့်နေရာဖြစ်ပြီး၊ စုဝေးသူများက "အစ္စရေးနှင့် အမေရိကန် ကျဆုံးပါစေ" ဟု ကြွေးကြော်ခဲ့ကြ သည်။

လက်ဘနွန်အခြေစိုက် အီရန်ကျောထောက်နောက်ခံပြု ဟစ်ဇ်ဘိုလာအုပ်စုက အစ္စရေးမြောက်ပိုင်းနှင့် လက်ဘနွန်တောင်ပိုင်းရှိ အစ္စရေးတပ်ဖွဲ့များထံသို့ ဒုံးကျည်များစွာဖြင့် ပစ်ခတ်ခဲ့ရာ အစ္စရေးမြောက် ပိုင်းတွင် လူ ၆၀ နီးပါး ဒဏ်ရာရရှိခဲ့သည်။ ဒဏ်ရာရသူအားလုံးနီးပါးမှာ အသက်အန္တရယ် မစိုးရိမ်ရပေ။

တိုက်ပွဲများစတင်ကတည်းက လက်ဘနွန်တွင် လူပေါင်း ၆၀၀ ကျော် သေဆုံးခဲ့ပြီး၊ လူဦးရေ ၈၀၀,၀၀၀ နီးပါးမှာ နေရပ်စွန့်ခွာ ထွက်ပြေးနေရကြောင်း ကုလသမဂ္ဂ ဒုက္ခ သည်များဆိုင်ရာမဟာမင်းကြီးရုံးက ဆိုသည်။

အီရန်တွင် လူပေါင်း ၁,၃၀၀ ကျော် သေဆုံးခဲ့ပြီး၊ အစ္စရေးတွင် ၁၂ ဦး သေဆုံးခဲ့ကြောင်း အီရန်အာဏာပိုင် များက ထုတ်ပြန်ခဲ့သည်။ အမေရိကန်က အနည်းဆုံး စစ်သည် ၁၁ ဦး ကျဆုံးကာ ရှစ်ဦး ပြင်းထန်စွာ ဒဏ်ရာရရှိထားသည်။

♦ သတင်းအပြည့်အစုံကို ကွန်းမန့်ရှိလင့်မှတဆင့်…