የአዲስ አበባ መንግሥት ተቋማት እስከ 50 ሚሊዮን ብር የግንባታ ሥራዎችን በውድድር ለሥራ ዕድል ፈጠራ ተቋማት እንዲሰጡ ተፈቀደበአዲስ አበባ ከተማ አስተዳደር ሥር የሚገኙ የመንግሥት መሥሪያ ቤቶች፣ እስከ 50 ሚሊዮን ብር የሚጠይቁ የግንባታ ሥራዎችን አግባብ ባለው የግዥ ዘዴ በማወዳደር ለሥራ ዕድል ፈጠራ ተቋማት መስጠት የሚያስችል አዲስ የግዥ አፈጻጸም መመሪያ ከኅዳር 1 ቀን 2019 ዓ.ም ጀምሮ ተግባራዊ መሆኑ ተገለጸ።
በከተማ አስተዳደሩ የፋይናንስ ቢሮ የወጣው ይህ መመሪያ፤ ላለፉት 17 ዓመታት ገደማ ተፈጻሚ ሲሆን የቆየውን የግዥ ሥርዓት የተካ ሲሆን፣ በከተማዋ በጀት የሚተዳደሩ ተቋማት በሚያከናውኗቸው ግዥዎች ላይ በሙሉ ወይም በከፊል እንደሚሠራ ተመላክቷል።
መመሪያው የመንግሥት ግዥ በውድድር ላይ የተመሠረተና ለወጣው ወጪ ተመጣጣኝ ዋጋ የሚያስገኝ እንዲሆን ማድረግን፣ እንዲሁም ግልጽነትን፣ ቀልጣፋነትንና ፍትሐዊነትን በማስፈን ከሙስና የጸዳ ሥርዓት መዘርጋትና የመልካም አስተዳደር ችግሮችን መቅረፍን ዓላማው አድርጓል።
@etconp