تِعمل ايه ف الأجازة ؟

1/ صلّح حاجات عندك defect فيها في الدين تحديداً 🕋
لو مثلاً عندك مشكلة إنك بطلت تحفظ قرآن ارجع احفظ قرآن 📖
لو الوِرد بتاعك بدأ يقل في فترة الإمتحانات رجعه للكمية الأساسية أو زود عليه كمان 📈
وهكذا الأذكار ، قيام الليل ، تجديد التوبة حتى علشان ناس كتير بتنسى النقطة دي وهي مهمة جداً ✨

2/ ابدأ ابني عادات جديدة في الدين برضو 💡
لو ماكانش عندك وِرد حفظ أو قراءة أو سماع ... فلاااااااازم ما تطلعش من الإجازة دي إلا وأنت عندك وِرد ... ضروري والله لأبعد ما تتخيل ⏳
أصله أنت والله مش ضامن إنك تعيش لإجازة تانية يكون عندك فيها وقت تبني عادات زي دي واللي هي أهم من حاجات كتير أوي أنت بتضيع وقتك فيها وأنا وأنت عارفين كدة كويس ✅

أول اتنين دول المفروض يكونوا التارجت رقم 1 و 2 و 3 ومليون بالنسبالك ف الأولوية بعد كدة تبدأ تشوف أي حاجة تانية بس دول الأساس 🎯

3/ انزل الچيم 🏋️‍♂️
مش نصيحة كليشيه والله زي ما أغلب ڤيديوهات الـ life coaching بتعمل 🚫
بس إحنا بالذات كعلاج طبيعي المفروض يكون جسمنا ideal أو أقرب ما يكون للـ ideal 🩺
فاكر أول كلمة اتقالت لك أنت وداخل الكلية ؟ علاج طبيعي دي محتاجة قوة بدنية ... هل أنت دلوقتي بعد ما قضيت سنة ولا اتنين ولا تلاتة شايف إنك عندك القوة البدنية دي؟ 💪

4/ لو أنت أكبر من سنة تانية انزل تدريب (بعيداً عن هراء الناس اللي بتقولك ما تنزلش training قبل ما تاخد أورثو) 🏥
التدريب مهم ليك حتى لو ما استفادتش حاجة clinically ع الأقل هتستفيد socially 🤝
وأنا عن تجربة بقولك هتستفيد من الاتنين لو كنت مهتم وواخد الموضوع جد 📝

4/ اقرأ سواء في مجالك أو أي مجال تاني أنت مهتم بيه 📚
وبقولك اقرأ تحديداً في مجالنا أفضل من إنك تسمع لأن فيما بعد خصوصاً post graduation في حاجات هتكون محتاج تتعلمها مش هتلاقي محتوى محترم ليها على هيئة videos أو محتوى مسموع حتى 🧠
فعوّد نفسك تذاكر من texts من دلوقتي علشان مخك ما يحصلهوش error فيما بعد 📉

5/ بلااااش تضيع وقتك واجازتك كلها scrolling لما له من أضرار نبقى نتكلم عنها بعد كدة لو عايزين

6/ صِل رحمك 🏠

7/ اسمع دروس في الدين بشكل ممنهج يعني تشوف سلسلة في حاجة ف الدين أنت مهتم بيها أو عايز تتعلمها لشيخ أنت بتحبه وابدأ حدد كمية وليكن حلقة تسمعها يومياً 🎧
أمثلة واقتراحات "شخصية":
السيرة النبوية ⬅️ أحمد عامر 📜
البناء العقدي ⬅️ أحمد السيد 📖
أعمال القلوب/أمراض القلوب ⬅️ أحمد السيد 🤍
السيرة النبوية ⬅️ أحمد السيد 📜
أولو العزم ⬅️ أحمد السيد 🌟
التلذذ بالصلاة ⬅️ مشاري الخراز 🤲
دورات الشيخ علاء حامد كلها جميلة ✨
دورة تدبر سورة مريم ⬅️ حازم شومان 🌙
دي مجرد أمثلة وفي غيرها كتير كتير بس دول اللي ف بالي دلوقتي

8/ اسمع ڤيديهات د عماد رشاد (متسألنيش ليه لأنها هتصلح حاجات كتير بايظة عندك "أنت متعرفش إنها بايظة" ) وأنصح جدا جدا بالكتب بتاعته كمان 🧠📖

9/ اتعلم ريسيرش (لو أنت مهتم) 🔬
10/ اقرأ عن السفر وابدأ حضرله (لو أنت مهتم) ✈️