အရပ်သားများကို ဗုံးကြဲရန် ၃ လအတွင်း လေယာဥ်ဆီ ကန်ဒေါ်လာ ၄ သန်းကျော်ဖိုး စစ်ကော်မရှင် သုံးစွဲဟု BMC ပြော

001

မဇ္ဈိမ။ ။ အရပ်သားများကို လေကြောင်းမှ ဗုံးကြဲ သတ်ဖြတ်ရန် စစ်ကော်မရှင်က သုံးလအတွင်း အမေရိကန်ဒေါ်လာ ၄,၀၀၀,၀၀၀ ကျော်တန်ဖိုးရှိ လေယာဥ်ဆီများ သုံးစွဲခဲ့ကြောင်း သွေးစွန်းငွေလှုပ်ရှားမှုအဖွဲ့ (Blood Money Campaign)က မတ်လ ၂၀ ရက်နေ့တွင် ထုတ်ပြန်သည်။

သွေးစွန်းငွေ လှုပ်ရှားမှု အဖွဲ့၏ ၂၀၂၅ ဇွန် ၁၆ မှ စက်တင်ဘာ ၁၆ ထိ လေ့လာတွေ့ရှိချက်အရ သုံးလအတွင်း တိုက်လေယာဉ်အုပ်စုတစုတည်းအတွက် လေယာဉ်ဆီ အင်ပီယီရယ်ဂါလံ (IG) ၁ ဒသမ ၉၄ သန်းကျော် သုံးစွဲခဲ့ပြီး ကုန်ကျငွေပမာဏ အမေရိကန်ဒေါ်လာ ၄ ဒသမ ၁၆ သန်းကျော်ရှိခဲ့ခြင်း ဖြစ်ကြောင်း ဆိုသည်။

လေယာဥ်ဆီ ၁ အင်ပီယီရယ်ဂါလံ (1 IG) တွင် လီတာအားဖြင့် လေးလီတာခွဲကျော် ရှိသည်။

"လေယာဉ်ဆီသုံးစွဲမှု အရေအတွက်တွေဟာ မှတ်တမ်းတင်ထားတဲ့ ပျံသန်းမှုတွေအပေါ် အခြေခံထားတာဖြစ်ပြီး လေယာဉ်မှာ တပ်ဆင်သယ်ဆောင်တဲ့ အလေးချိန်ပေါ်မူတည်ပြီး လေယာဉ်ဆီက ပိုမိုအသုံးပြုရပါသေးတယ်"ဟု BMC က ထုတ်ပြန်ချက်တွင် ပြောသည်။

စစ်ကော်မရှင်၏ တိုက်လေယာဥ်များထဲတွင် ဆီအသုံး အများဆုံးသည် ရုရှားထုတ်…