👉የለሚ - ጀማ ወንዝ የሲሚንቶ ኮንክሪት መንገድ በ5.1 ቢሊየን ብር ሊገነባ ነው

🚧በኢትዮጵያ ማዕከላዊ ደጋማ ቦታዎች ተነስቶ ጉዞውን ወደ ታላቁ ዓባይ የሚያደርገው የጀማ ወንዝ፣ ከተራ የውሃ ፍሰት ባለፈ የሺህ ዓመታት ታሪክ፣ የተፈጥሮ ውበት እና የብዙሃን ህይወት የተሳሰረበት ታላቅ ፀጋ ነው፤

💫ይህ ወንዝ በታሪካዊቷ ሸዋ ምድር ውስጥ እንደ ደም ስር ተዘርግቶ መርሐቤቴን፣ እንሳሮን፣ ባሶና ወረናን፣ መንዝን፣ ጣርማበርን እና ሞረትና ጅሩን ጨምሮ በርካታ ወረዳዎችን በማስተሳሰር ይታወቃል፤

15,782 ካሬ ኪሎ ሜትር የሚሸፍነው የጀማ ተፋሰስ፣ ከመሬት በታች ካለው የጁራክቲክ የድንጋይ ንጣፍ እስከ ላይኛው የእሳተ ገሞራ ዓለት ድረስ ያለውን የተፈጥሮ ምስጢር ለብሶ ይፈሳል።

⏺የጀማ ውበት የሚገለጠው በተለዋዋጭ ባህሪው ነው። በክረምት ወራት ወንዙ የኃይል እና የቁጣ ተምሳሌት ይመስላል፤ እንደ ገደል ናዳ እየተወረወረ፣ ለም አፈሩን እየገመሰ እና ድንጋዮችን እየናደ በቀይ አፈር ተለብሶ ይጓዛል።

በዚህ ወቅት ጀማ ግርማ ሞገሱ ያስፈራል፤ ድምጹም ያጓራል። ሆኖም ክረምቱ አልፎ መስከረም ሲጠባ ጀማ ራሱን ይለውጣል። ያ የቆሸሸ የሚመስለው ወንዝ ወደ ወተት ነጭነት፣ ቆይቶም ወደ ኩል መሳይ ጥራት ተቀይሮ በአካባቢው ተራራዎች መካከል እንደ ውብ ጌጥ ያበራል። ይህ ተለዋዋጭ ባህሪው ጀማን ሁልጊዜም አዲስ፣ ሁልጊዜም ማራኪ ያደርገዋል።

⏺የወንዙ ታሪክም እንደ ውበቱ ጥልቅ ነው። በ14ኛው ክፍለ ዘመን በተጻፈው የጋድለ ተክለሃይማኖት ድርሳን ውስጥ መጠቀሱ የወንዙን ጥንታዊነት ሲያረጋግጥ፣ እንደ ፔድሮ ፓዜ ያሉ የመጀመሪያዎቹ አውሮፓውያን ሚስዮናውያን የወንዙን ግርማ አይተው መደመማቸው በታሪክ ተመዝግቧል።

⏺ዛሬ ግን ጀማ የወሬ እና የታሪክ ብቻ ሳይሆን የልማትም ተምሳሌት እየሆነ ነው። በአሁኑ ወቅት ከለሚ - ጀማ ወንዝ የሚዘረጋው የ5.1 ቢሊየን ብር የሲሚንቶ ኮንክሪት መንገድ ግንባታ፣ ለዘመናት በትራንስፖርት እጥረት ተገልሎ የቆየውን ይህን ለም ምድር ከገበያ ማዕከላት ጋር የሚያስተሳስር ወሳኝ ድልድይ ነው። መንገዱ የለሚ ሲሚንቶ ፋብሪካ ምርቶችንም ሆነ የአካባቢውን የግብርና ውጤቶች ወደ ተለያዩ የሀገሪቱ ክፍሎች ለማድረስ ትልቅ አቅም ይፈጥራል።

⏺ባጠቃላይ ጀማ ወንዝ ያለፈውን ታሪክ፣ የአሁኑን ተፈጥሯዊ ውበት እና የወደፊቱን የኢኮኖሚ ተስፋ አቅፎ የያዘ የኢትዮጵያ ሀብት ነው። ይህን ወንዝ ተሻግሮ የሚገነባው ዘመናዊ መንገድም፣ የጀማን ውበት ለዓለም ከማሳየት ባለፈ ለአካባቢው ህዝብ የብልጽግና በር እንደሚከፍት ጥርጥር የለውም።

የፕሮጀክቱ ዋና ዋና መረጃዎች
• ጠቅላላ በጀት፦ 5.1 ቢሊየን ብር።
• የመንገዱ ርዝመት፦ 20 ኪሎ ሜትር።
• የግንባታው ዓይነት፦ ሲሚንቶ ኮንክሪት (Cement Concrete)።
• የሥራ ተቋራጭ፦ ህብር ኮንስትራክሽን ኮርፖሬሽን።
• የግንባታ ጊዜ፦ 1 ዓመት።
• የመንገዱ ስፋት፦ በገጠር ከ8-10 ሜትር፣ በከተማ 15 ሜትር።


@etconp