السلام عليكم ورحمة الله وبركاته
بالنسبة للدفعة الجديدة اللي لسة داخلة الكلية السنادي

عايزة أقولكم بلاش حد يضحك عليكم ويقولكم اعملوا اي وماتعملوش اي ف أول يوم كلية
البسوا اللي عايزين تلبسوه واللي عنده سكاشن ياخد البالطو بتاعه عادي
أنا في أول يوم كلية أول حاجة كانت عندي سكشن بيوكمستري واشتغلنا من أول سكشن ولبسنا البالطو بالمناسبة برضو

بلاش تسمعوا للناس اللي بتقولكم ما تاخدكمش حماسة البدايات والجو الفكسان ده ... اشتغلوا على نفسكم من أول يوم عادي
وبلاش حد يقنعكم إن فترة الجامعة للعب والهلس وبس
هي آه فترة تستمتع بيها وكل حاجة بس مش معنى كدة إنك تسيب الدنيا خالص من إيدك علشان عواقب ده هيبقى حاجة مش هتعجبك ...

افرح بكليتك وأتصور عادي جدا زي ما أنت عايز
وفكك من الناس الروشين اللي أكبر منك لإن دي ناس مريضة بجد

ومش كل اللي أكبر منك كدة في ناس بتساعد بصراحة ومحترمة كتير

وآخر حاجة ماتسمحش لحد يضحك أو يتنمر عليك لمجرد إنك سنة أولى لإن دي حاجة ماتعيبكش ... كلنا كنا سنة أولى عادي .. واللي بيتنمر ده ما دخلش الكلية على سنة تالتة ولا رابعة على طول ... هو برضو في يوم من الأيام كان في سنة أولى وكان في نفس مكانك وموقفك عادي جداً

بالتوفيق وربنا يكرمكم في اللي جاي من حياتكم💕🌸