.
.
هواي مبتعدين عن الأمور المعنوية والروحية اللي بيها تكاملنه ولأجلها انخلقنا
شاغلتنه الدنيا بدرجة كلش كبيرة مالها حد
ومتنوصف.

كلشي نسوي ونفكر بي فهو ذو منفعة دنيوية
من أبسط شي لأكبر شي

مثلا
كثرة الملابس والتبذير بيها وماريد ألبس هاي اللبسة قديمه وشايفيني بيها ومهتمين كلش بكلام الناس ونظرتهم ويوم عن يوم لبس البنات جاي يگصف ويگصر والحجاب ينزع ولاحول ولا قوة الا بالله..!


إلى عمليات التجميل واستخدام كافة هالوسائل الحالية للزينة والجمال الظاهري وخابصين الدنيا عليهن وكأنه واحدنا رح يعيش ألف سنة ويعمر بهالدنيا ..!


حتى الشغلات الدينية اللي دنسويها صارت مجرد طقوس جوفاء مابيها أي معنى ولذة روحية بس نونس روحنه وننزل ستوريات وبوستات حتى ياعالم شوفوني .

كلنه سوينا هالأمور او بعض منها وغيرها هواي او احنه معرضين الها .. كون ننتبه

إلمن وليش ووين رايح آني ..؟!

يحتاج شوية نصفن ونراجع نفسنا

وبعد كل واحد بينه يعرف الصح من الغلط
واللي ميعرف فكلشي متوفر بهالوكت ويگدر يسأل ويتعلم
" اللَّهُمَّ صَلِّ عَلَى مُحَمَّدٍ وَآلِهِ، وَاكْفِنِي مَا يَشْغَلُنِي الاهْتِمَامُ بِهِ، وَاسْتَعْمِلْنِي بِمَا تَسْأَلُنِي غَداً عَنْهُ، وَاسْتَفْرِغْ أَيَّامِي فِيمَا خَلَقْتَنِي لَهُ "

#منقول