👉የገበያ ዋጋ ጥናት(market Price assessment) እና የግንባታው ግምታዊ ዋጋ(estimated cost of construction)

🚧የገበያ ዋጋ ጥናት በግዥ አፈፃፀም መመሪያ ቁጥር 70/2017 አንቀጽ 11 ንዑስ አንቀጽ 4 ፊደል ተራ ሀ ድንጋጌ የተከተለ ካልሆነ ተቀባይነት አይኖርም።

🏷ጨረታ ማስታወቂያ አየር ከዋለበት ቀን በፊት ባለው አንድ/1/ ወር ጊዜ ውስጥ መሆን እንዳለበት ተደንግጓል።

⭐️ጨረታ ማስታወቂያ ከወጣ በኃላ የገበያ ዋጋ ጥናት ማድረግ አይቻልም።

⏺ስለሆነም ህጋዊ የገበያ ዋጋ ጥናት እና ህጋዊ የገበያ ዋጋ ጥናቱን መሰረት በማድረግ የተዘጋጀ የግንባታው ግምታዊ ዋጋ እንዲሁም የግንባታው ግምታዊ ዋጋ(estimated cost of construction) በአገልግሎት ላይ ከመዋሉ በፊት በግዥ አፈፃፀም መመሪያ አባሪ 7 ንዑስ አንቀጽ 1.4(ሸ) ድንጋጌ መሰረት በግዥ አፅዳቂ ኮሚቴ የፀደቀበት ቃለ-ጉባኤ ያስፈልጋል።

⏺አንድን ተጫራች ለመጉዳት ሌላውን ለመጠቀም ተብሎ ለኪራይ ሰብሳቢነት በር በሚከፍት ሁኔታ በመሐንዲስ ነኝ ባዮች በዘፈቀደ ተሸንሽኖ የሚቀርብ የግንባታው ግምታዊ ዋጋ ህገ ወጥ ነው።

⏺ይህ የአሰራር ሥርዓት በግንባታ ግዥ ወቅት ለኪራይ ሰብሳቢነት በሩን ወለል አደርጎ የሚከፍት ስለመሆኑ በመንግስት ደረጃ ታምኖበት በአሰራሩ ላይ ማሻሻያ ተደርጓል።

⏺የግንባታው ግምታዊ ዋጋ ግምትን (estimated cost of construction) በተመለከተ ሁለት ወሳኝ ጉዳዮች፡-

1ኛ. ህጋዊ የገበያ ዋጋ ጥናት መረጃ፣

2ኛ. በአፅዳቂ ኮሚቴ የፀደቀበት መረጃ፣

⏺እነዚህ ሁለት ጉዳዮች ከሌሉ የግንባታው ግምታዊ ዋጋ ተቀባይነት አይኖረውም።

1ኛ. ህጋዊ የገበያ ዋጋ ጥናት

❇️የገበያ ዋጋ ጥናት ህጋዊ የሚሆነው ምን ምን አሟልቶ ሲገኝ እንደሆነ ግልጽ ነው።

⏺የመጀመሪያ ቅድመ ሁኔታ ጨረታ ማስታወቂያ አየር ላይ ከመዋሉ በፊት ባለው 30 ቀናት ውስጥ የተጠና መሆን ይኖርበታል።

⏺ሌላኛው ቅድመ ሁኔታ ለግንባታው ግብዓት የሚሆኑ ሁሉም ዕቃዎች እና አገልግሎቶች በኢትዮጵያ ስታትስቲክስ ኤጀንሲ በሚገኘው የዋጋ መረጃ፣ የስታትስቲክስ ኤጀንሲ የዋጋ መረጃ እንደሌለ ማረጋገጫ በሚሰጥበት ጊዜ እንደሁኔታው ከታወቀ አምራች፣ ይህም ካልሆነ ከመ/ቤቶች በሚቀርብለት ጥያቄ መነሻ ግዥና ንብረት አስተዳደር ባለሥልጣኑ በሚሰጠው ትዕዛዝ መሰረት በማዕከል በሚከናወን የገበያ ዋጋ ጥናት መሰረት የተዘጋጀ መሆን ይኖርበታል።

2ኛ. በአፅዳቂ ኮሚቴ የፀደቀበት መረጃ፣

⏺በግዥ አፈፃፀም መመሪያ አባሪ 7 ንዑስ አንቀጽ 1.4(ሸ) መሰረት የግንባታው ግምታዊ ዋጋ(estimated cost of construction) እንዲያዘጋጅ ኃላፊነት የተሰጠው አማካሪ ተቋም ግምቱን ከፍ ወይም ዝቅ አደርጎ ያላዘጋጀ ስለመሆኑ ማረጋገጫ አያይዞ በማቅረብ በግዥ አፅዳቂ ኮሚቴ እንዲፀድቅ የማድረግ ግዴታ አለበት።

💫ግምቱን ከፍ ወይም ዝቅ አደርጎ ያላዘጋጀ ስለመሆኑ የሚያቀርባቸው ማረጋገጫዎች፡-

ሀ/ ከኢትዮጵያ ስታትስቲክስ ኤጀንሲ የተሰጠ የዋጋ መረጃ፣

ለ/ የስታትስቲክስ ኤጀንሲ የዋጋ መረጃ እንደሌለ ማረጋገጫ በሚሰጥበት ጊዜ እንደሁኔታው ከታወቀ አምራች የተሰጠ የዋጋ መረጃ፣

ሐ/ ይህም ካልሆነ ከመ/ቤቶች በቀረበለት ጥያቄ መነሻ ግዥና ንብረት አስተዳደር ባለሥልጣኑ በሰጠው ትዕዛዝ መሰረት በማዕከል የተከናወነ የዋጋ መረጃ የማቅረብ ግዴታ አለበት።

እነዚህ ከሀ-ሐ የተዘረዘሩት በሌሉበት የምህንዲስና ዋጋ ግምት አለ ማለት አይቻልም። ግምቱም በግዥ አፅዳቂ ኮሚቴ ሊፀድቅ አይገባም።

@etconp