‏ما ادري اذا اقدر اقول عنها قاعدة بس اللي اشوفه باغلب العلاقات ان راي الناس عن علاقة معينة تتحدد بشكل كبير حسب آخر المواقف، ان كانت زينة يكون رايهم زين واذا سيئة حتى لو قبلها بمدة كان العكس ينسون او يتناسون الأفضال السابقة ويكون التركيز اكثر بكثير على آخر المواقف. ‏لكن هذا اللي يثبت ان وجهة نظر اي شخص عنك صعب جدا انها تكون ثابتة.

يمكن الحالة الوحيدة اللي تخلي وجهة نظر الناس عن شخص معين ثابتة هي لما يموت، بشكل عام اذا مات احد حتى لو حصلت مواقف سيئة له مع بعض الناس، نادر تلقى احد يحاول يفكر فيها بعكس لو كان حي.
‏فرأيك لأي شخص دايم يتعدل، صعب تلقى احد يذكر ماضيك ويحاول يوزن رايه عنك مع افعالك بالحاضر لانه ما بيستفيد من انه يعدد افضالك عليه بالماضي اذا كان حاضرك العكس، لذلك اذا فيه شخص باقي معك فهو باقي معك عشان شخصيتك الحين مو الشخصية الماضية - اذا تغيرت -