‏مراجعة الشخص لنفسه والانعزال شوي عن الحياة وهمومها هي شيء ضروري يحتاجه الانسان عشان يجدد الطاقة ويخليها ترجع من جديد، يسوي تصفية لجميع الاشياء ويحدد منها ايش الشيء اللي يبي يكون موجود في حياته والشيء اللي لازم يبعد عنه ويتركه. ‏فيه علاقة طردية بين الهموم وطول فترة اللي يحتاجها الشخص للانعزال، فكلما كانت الهموم اكثر او اكبر كلما صار يحتاج الشخص فترة اطول انه يبقى بعيد عن الناس ويكون بينه وبين نفسه. ‏الانعزال عن الناس هو وقت خاص فيك يعطي فرصة انه يخليك تكتشف جوانب فيك ما كنت تعرفها، ويساعد بتحسين نفسيتك وتغييرها ويساعد بتقليل الضغط واتخاذ قرارات صحيحة، فمتى ما كنت تبي تاخذ وقت راحة تبعد فيه شوي عن الناس لا تحرم نفسك منه