👉በታሪክ ውስጥ ከታዩት አስደናቂ የምህንድስና ድንቆች አንዱ በሮማኒያ አልባ ዩሊያ (Alba Iulia) ከተማ የተከናወነው ተአምራዊ ስራ ነው።

💫የከተማዋን መንገድ ለማስፋት ሲባል 7,600 ቶን የሚከ,ብድ ግዙፍ የመኖሪያ ህንፃን ከመሬት ላይ አፍርሶ ከመጣል ይልቅ፣ በምህንድስና ጥበብ ለሁለት ሰንጥቆ በመክፈልና ቦታውን በመቀየር የመንገድ ቦታን ክፍት የማድረግ አስደማሚ ተግባር ተፈፅሟል።

🚧የዚህ ታሪክ መነሻ እ.ኤ.አ. በ1980ዎቹ መጨረሻ በሮማኒያ የኮሙኒስት አስተዳደር ዘመን ከተካሄዱት የከተማ ማሻሻያ ፕሮጀክቶች ጋር የተያያዘ ነው።

🪧በወቅቱ የትራንሲልቫኒያ አቬኑን (Transylvania Avenue) ሰፊ መንገድ ለማስፋት ታቅዶ የነበረ ቢሆንም፣ ወደ 100 ሜትር ያህል ርዝመት ያለው ግዙፍ ባለፎቅ የመኖሪያ ህንፃ ግን በታቀደው የመንገድ መስመር መሃል ላይ አግድሞሽ ቀጥ ብሎ ቆሞ ነበር።

🧷በተለመደው የከተማ ልማት አካሄድ እንዲህ አይነት እንቅፋት ሲያጋጥም ህንፃውን አፍርሶ ነዋሪዎችን ወደሌላ ቦታ መውሰድ የመጀመሪያውና ቀላሉ ውሳኔ ይሆናል።

⏺ነገር ግን የፕሮጀክቱ መሪዎች ጉዳዩን በጥልቀት ሲመረምሩት ህንፃውን ሙሉ በሙሉ አፍርሶ ነዋሪዎችን በሌላ ቦታ መልሶ ከማስፈር ይልቅ፣ ህንፃውን አንስቶ ወደ ጎን ማንቀሳቀስ በእጅጉ አነስተኛ ወጪ የሚያስወጣ መሆኑን ተረዱ።

⏺ይህንን ፈታኝና ድፍረት የተሞላበት ውሳኔ በተግባር ለመተርጎም በኢንጅነር ዩጂን ዮርዳቼስኩ (Eugen Iordăchescu) የሚመራው የምህንድስና ቡድን ወደ ሥራ ገባ።

⏺በመጀመሪያ ደረጃ ከግዙፉ ህንፃ ስር የመሬት ቁፋሮ በማካሄድ የ7,600 ቶኑን ክብደት መሸከም እና እኩል ማደላደል የሚችል ጠንካራ የብረትና የኮንክሪት መዋቅር (framework) ከህንፃው ስር ዘረጉ።

⏺ከዚህ ከተዘረጋው መዋቅር ስር ደግሞ ህንፃውን የሚያንቀሳቅሱ ሀዲዶች እና የሚሽከረከሩ መሳሪያዎች ተገጠሙ።

▶️የህንፃውን ሚዛን ለመጠበቅና እንቅስቃሴውን ሙሉ በሙሉ በቁጥጥር ስር ለማድረግ በፈሳሽ ግፊት የሚሠሩ የሃይድሮሊክ ጃኮች (hydraulic jacks) ሥራ ላይ የዋሉ ሲሆን፣ በዚህም ህንፃው ከተሠራበት የመጀመሪያ የመሬት መሰረት ተላቆ በኢንጅነሮቹ ተንቀሳቃሽ መዋቅር ላይ እንዲያርፍ ተደረገ።

❇️100 ሜትር ያህል ርዝመት ያለውን ግዙፍ ህንፃ በአንድ ጊዜ እንደ አንድ ሙሉ አካል ማንቀሳቀስ አስቸጋሪ በመሆኑ፣ ኢንጅነሮቹ ህንፃውን ለሁለት ራሳቸውን የቻሉ ክፍሎች ሰንጥቀው ለመክፈል ወሰኑ።

⏺ስትራቴጂውም አንደኛውን አጋማሽ ወደ አንደኛው የመንገድ ጎን፣ ሁለተኛውን ደግሞ ወደ ተቃራኒው ጎን በሀዲድ በመጎተት በመሃላቸው ለአቬኑው የሚያስፈልገውን የ55 ሜትር ክፍተት መፍጠር ነበር።

▶️የዚህ አስደናቂ ክስተት ይበልጥ ህሊናን የሚስበው ክፍል ደግሞ ህንፃው ተሰንጥቆ በሀዲድ ላይ በሚንቀሳቀስበት ቅጽበት በውስጡ የሚኖሩት 80 ቤተሰቦች ከቤታቸው አለመውጣታቸው ነው።

▶️ነዋሪዎቹ እቃቸውን ሳይሰበስቡና ቀኗን እንኳን ሳይለቁ በየአፓርታማቸው ውስጥ ሆነው ህንፃቸው ለሁለት ተከፍሎ ሲጓዝ በግርምት ይከታተሉ ነበር።

▶️በሥራው ወቅት ነዋሪዎችን ከሁሉም በላይ ያስደመማቸው ሌላው ነገር የመሰረተ ልማት አገልግሎቶች አለመቋረጣቸው ነው። በዝውውሩ ሂደት በሙሉ የውሃ፣ የጋዝ፣ የኤሌክትሪክ፣ የስልክ እና የፍሳሽ ማስወገጃ (sewage) መስመሮች በተለዋዋጭ የመያያዣ ዘዴዎች አማካኝነት አገልግሎት መስጠታቸውን ሳያቋርጡ ከህንፃው ጋር አብረው እንዲጓዙ ተደርገዋል።

⏺ዋናው የህንፃው ዝውውር እንቅስቃሴ እ.ኤ.አ. ግንቦት 27 ቀን 1987 ጠዋት ላይ የተጀመረ ሲሆን፣ ሙሉ ስራውም ከስድስት ሰዓታት ባነሰ ጊዜ ውስጥ ያለ ምንም አይነት የቴክኒክ አደጋ ወይም መስተጓጎል ተጠናቀቀ። በዚያች አጭር ጊዜ ውስጥ ሁለቱም የህንፃው ክፍሎች የታቀደላቸውን የ55 ሜትር ጉዞ በሰላም አጠናቀው በአዲሱ ቦታቸው ላይ በፅኑ ተተከሉ።

❇️ይህ በአልባ ዩሊያ ከተማ የተከናወነው የምህንድስና ገድል በከተማ ፕላን ታሪክ ውስጥ የማይረሳ ትምህርት ጥሎ አልፏል።

❇️ከተማዋ ምንም አይነት የፍርስራሽ ቆሻሻ ሳታመርት፣ አላስፈላጊ ወጪ ሳታወጣ እና 80 ቤተሰቦችን መኖሪያ ሳታሳጣ ሰፊውን የትራንሲልቫኒያ አቬኑ መንገድ መክፈት የቻለች ሲሆን፣ ሁለቱ የህንፃ ክፍሎችም ዛሬም ድረስ በመንገዱ ሁለት ጎን ላይ እንደ ጥበብ ምልክት ቆመው ይገኛሉ።

@etconp