Eduaids خدمات تربويةمتخصصة
لا حول ولا قوة الا بالله اللي حصل في قضية طفل شبرا، ربنا يصبر أهله. دا فعلاً دليل إن لازم ناخد بالنا مليون مرة من ولادنا في زمن الإنترنت دا. بصراحة، موضوع الـ Dark Web دا مرعب، بس مش معناه إننا نستسلم.،
ممكن نعمل كام حاجة عشان نحمي نفسنا وولادنا:
أول حاجة: لازم يكون في تواصل دائم بينا وبين أولادنا. لازم يعرفوا إننا سند ليهم ويقدروا يحكولنا على أي حاجة غريبة تحصل لهم، سواء في المدرسة أو على النت.
تاني حاجة: لازم نعلم ولادنا إزاي يستخدموا الإنترنت بطريقة آمنة. يعني مثلاً، مينفعش يتكلموا مع حد ميعرفهوش، أو يفتحوا لينكات مش معروفة، أو ينزلوا برامج من مواقع مش موثوق فيها.
تالت حاجة ودي الاهم: لازم وضروري نعلّم ولادنا أنهم لهم الحق يرفضوا أي حاجة تخليهم مش مرتاحين. نعلّمهم يقولوا "لا" لأي حد غريب يطلب منهم حاجة مش عايزين يعملوها.
خلي بالك، الموضوع محتاج متابعة مستمرة مننا. ربنا يحفظ ولادنا جميعا
#طفل_شبرا
#حادثة_طفل_شبرا_المؤلمة
#لا_للسكوت_عن_التحرش_بالأطفال
#نطالب_بالعدالة_لطفل_شبرا
#حماية_أطفال_مصر
#مسؤولية_الدولة_في_حماية_الأطفال
#لا_للجريمة_المروعة
#معاً_ضد_التحرش
#طفولة_آمنة_لكل_طفل
#مصر_ضد_التحرش
Dr.Waleed, 

Comments

Be the first to add a comment