مشاعر الحب في التربية من أهم الادوات التربوية، كل لما الولاد تسيء التصرف اظهري مشاعر الحب أكتر ، بجد والله، هقولك ليه :

١- الحب هو اللي بيمهد نفسية الطفل انه يقبل صلاحياتنا التربوية .

2- بيقلل التمرد جدا .

3- الحزم من غير حب يعتبر قسوة .

٤-تربية الطفل بمشاعر الحب بتحسسه بالانتماء والاهمية ،و الانتماء والاهمية من الاحتياجات الانسانية القوية ، وبالتالي اساءة التصرف من الطفل بتقل جدا.

5-الطفل لما بيحس بمشاعر ايحابية بيتصرف تصرفات ايجابية ، ومشاعر الحب من اقوي المشاعر الايجابية.

6- مشاعر الحب + ادوات تربوية = تكفي لتربية سليمة .

7- ادوات تربوية من غير مشاعر حب = لا تكفي لتربية سليمة.

من الحاجات السهلة للتعبير عن الحب :

- كلمة بحبك تخيلي بالسهولة ديه (خليه مشغول بحاجة و قوليه يا فلان بحبك)

- الاحضان طبعا سحر في تغير السلوك (مش أقل من ٨ أحضان في اليوم، أفضل حاجة ١٢ حضن).

- الطبطبة علي الرأس والكتف من حين لآخر سهلة وجميلة وانت محبطة ومش قادرة من التعب .

- القبلة في مقدمة الرأس (بعملها كتير خصوصا اني عرفت انها سنة عن الرسول صلي الله عليه وسلم مع ابنته فاطمة رضي الله عنها)

- مفاجأت من غير سبب.

عشان كده الكورس بتاعي اسمه التربية بالحب.....لان أقوي أداة تربوية هي الحب.

#التربية_بالحب
#حياتك_هتفرق
#نسمة_جابر
📆 الثلاثاء : 25 / رجب / 1442
💎 @MAISON88
🛡 @SharreeBot