👉ስለ ኮንክሪት እና የኮንክሪት ግሬዶች:

🌟ኮንክሪት (concrete) ስሙን ያገኘው ከጥንት ሮማኖች ሲሆን ቃሉም የመጣው ኮንክሪተስ (Concretus) ከሚለው የሮማ ቃል ነው የቃል በቃል ትርጉሙም በጋራ ማደግ /መቋቋም የሚለውን ይወክላል።

ኮንክሪት በአለማችን ላይ በስፋት የምንጠቀመው የግንባታ ቁስ ነው።

ኮንክሪት የሲሚንቶ የአሸዋ እና የጠጠሮች ውህድ ነው ።

የኮንክሪት የእመቃ ኃይል (compressive strength)
ሚለካው በስሪት ደረጃው/Grade ነው።

የተለያዩ የኮንክሪት ስሪት ደረጃዎች
አሉ እነዚህም C-5, C-7, C-10, C-15, C-20, C-25, C-30, C-40 ወዘተ. ናቸው።

የኮንክሪት ግሬድ ማለት ኮንክሪቱ ከሃያ ስምንት ቀን በኋላ የሚኖረው የእመቃ ኃይል
(compressive strength ) ማለት ነው።

ለምሳሌ: C-25 ግሬድ የሆነ ኮንክሪት ከ28 ቀን በኋላ የሚኖረው የእመቃ ጥንካሬ 25N/mm^2 ይሆናል ማለት ነው። C-30 ግሬድ የሆነ ኮንክሪት ደግሞ የእመቃ ኃይሉ/ጥንካሬው 30N/mm^2 ነው ማለት ነው።

የኮንክሪት ግሬዶች በተለያዩ መፅሃፎች በተለያየ መልክ ይጠቀሳሉ ለምሳሌ አንዳንድ መፅሃፎች C-30 C-15 የሚለውን አገላለፅ ሲጠቀሙ አንዳንዶቹ ደግሞ M-30 M-15
የሚለውን ይጠቀማሉ።

በ«C»የሚጠቀሱ የኮንክሪት ግሬዶች በC መጠቀሳቸው የእመቃ ኃይል/ጥንካሬያቸው የተለካው በሲሊንደሪካል ፍተሻ (CYLINDRICAL test ) ሲሆን
በM የሚጠቀሱት ደግሞ ፍተሻው (test) የተደረገው በኪውቢክ ፍተሻ (cubic test) ሲሆን ነው።

በሁለቱ የፍተሻ አይነቶች የሚደረጉ የኮንክሪት ግሬዶች የእመቃ ጥንካሬአቸው ይለያያል። ሲሊንደሪካል ፍተሻ በአንፃራዊነት የኮንክሪትን ትክክለኛ አምቅ/ጥንካሬ ይገልፃል ስለዚህ ከኪውቢክ ፍተሻ የተሻለ ነው ማለት ነው።

በቀጣይ ጊዜ በሲሊነረደሪካል ፍተሻ የተደረገ የተለያዩ የኮንክሪት ግሬድ ያላቸው የሲሚንቶ የአሸዋ እና የጠጠር ምጣኔ (ratio) እና ከ28 ቀን በኋላ የሚያገኙትን ጥንካሬ በሰንጠረዥ መልክ የምናቀርብ ይሆናል ።

ማስታወሻ: የኮንክሪት የሳይት አካባቢ መታወቂያ ስም አርማታ ነው።

አብሮነታችን ይቀጥል!

ከወደዱት ያጋሩ

@etconp