الطريق إلى التوبة
#لنتعظ 1

سلام عليكم
اني بنت عراقية من بغداد متزوجه ولدي اطفال اثنان....
زوجي جاب اليه مبايل وخله بي انترنت لمده ثقته بيه
اني احبه وهوه كذلك ..
في يوم ما ... دخلت عليه صديقة وكالتلي تعالي اضيفج بكروب فقط بنات
اني رحت وكلت الزوجي ادخل لو لا كال مدام بس بنات ادخلي
دخلت للكروب وسولفت وضحكت لكن .....
اكو بعض الذكور وليس رجال متجنسين بحسابات بنات ودخلوني بكروب مختلط بسبيل يجروني كودا اني جديدة وبريئة كلشي مااعرف بهذه السوالف كان عمري 17 سنه وعندي فقط ولد...
اني الصراحة شفت انوا اكو ولد وبقيت اتابع بصمت وشويه اشويه انجريت وسولفت وماكنت اعرف انوا الكلام مع الرجال بدون مبرر شرعي ((حرام)) دخل احد الذكور خاص مو بالكروب وبقينه نسولف ومندمجة ..
فجئة شفت مقولة للسيد الشهيد محمد محمد صادق الصدر ..
مضمون المقوله يكول ..
(( الكلام مع رجل اجنبي بدون مبرر شرعي وحب للنفس هذه يعتبر زنه))
فـ بقيت مترددة لان صار عندي ادمان مع هذه الشاب اللي كنت اكلمة خفياً عن زوجي 😔 واكو صوت بداخلي يكلي ولج لا لا حرام خيانة اصحي والصوت الثاني يكلي عادي هوه كيبورد ابقي وسولفي مدام متونسه بي ...
في نفس الليلة زوجي ولاول مره كلي جيبي جهازج اني اهنا يبست الدم بعروقي كلت هاهيه انتهت حياتي ونداست سمعتي لان زوجي متعصب ومايسامح فكرت باهلي اخواتي اخواني بيت عيالي كلهم فكرت بيهم بس مافكرت برب العالمين 😭
كلت شنو العقوبة بهذه للحظات الف سالفة باللي.. كلت بيني مابين نفسي الامان ياصاحب الزمان الامان ياصاحب الزمان ..والله وتالله وبالله رأسا زوجي طلع ومااخذ الجهاز مني ..
عاد اني صرخت صرخت ولطمت كضيت الكروب وكل الناس البي حذفتهم وبعدين حذف البرنامج كله وشكرت ربي لان نقذني لان اهلي وعيالي متحفظين
وماعدتها وكل مااذكر اشمئز من نفسي واستغفر واكول شكد جنت تافه ومضيعة وقتي ...
ماكو انسان مايغلط لان مو معصومين
بس لازم نتعظ نتوب نستغفر
الله عزة وجل يعرف بيه بداخلي نضيف انطاني فرصه واستغليتها والحمدلله
هاي اني. بالوقت الخالي جبل مايهزك ريح

الشي اللي اكوله الامامي
شكرا ياحبيب الروح ويارفيق الضمير
هوه يعرف بيه وتسبيحي اله (الامان ياصاحب الزمان))

وشكرا لكم اسمي ام علي الاكبر

11 comments

Show 1 more comment
Zainab Baqer
هنيئا الج حبيبتي اشكري الله واهل البيت على هذه النعمه. لكن انتبهي مستقبلا كون الشيطان دائما يستغل حالة النشوه بالنصر ويدخل من منفذ اخر.. والله يقويج ويجعلج من احسن عبيده نصيبا عنده واسال الله التوفيق والهدايا لي ولكِ وللجميع
ست الحبايب
الحمد لله انتبهتي وانسحبتي بالوقت المناسب والله سبحانه وتعالى سبب الأسباب لإنهاء هاي المهزله وإلا لكانت فضيحه وعار يلاحقج إنت واهلج واولادج طول العمر بالإضافة إلى عار وخزي يوم القيامة وعقوبة رب العالمين.. الحمد لله والشكر لله ولصاحب الأمر والزمان🙏🙏
F_of_a
الشكر لله ولصاحب الزمان عجل الله فرجه الي يدركنه في وقت شدتنه رغم ذنوبنه #الامان_ياصاحب_الزمان
آيه علاء
ممكن احد يكتب المبررات حتى نتجنب الوقوع بالحرام؟
🌼زٍهـًرهـِٓ🌼
بحق صاحب الزمان اسأل الله الهدايه 💔ق
قطوف دانيه
اشكري سيدي ومولاي صاحب العصر والزمان روحي له الفداء الي حذرچ ماوقعتي بمطب ماجان خرجتي منه تقولين من عائله محترمه الله يوفق الجميع على الانتباه لهذه المواقع جزاكم الله خيرا الله يبارك فيكي
أميري حسين (ع)
أمل شهيد مزهر
اريد اتواصل وياكم واطرح مشكلتي لكن م اعرف شلون ممكن ساعدوني
يمكنكم مراسلتنا على البوت التالي :
@altaubaa_bot
رَوًّاسَيَ “̯ 🐼💗
الامان ياصاحب الزمان عج
English( 4th class) يا صاحب الزمان
السلام على صاحب الزمان حبيب نفوسنا
🌸Om Sajad🌸
هنيئا الج حبيبتي