دى خلاصه البدايه فى البحث العلمى لدكاترة و طلبه العلاج الطبيعي أن شاء الله تستفيدوا منها :

علشان تبدأ في البحث العلمي، مش شرط تكون متخرج. بالعكس، تقدر تبدأ وإنت طالب، وده طبيعي جدًا. ممكن تكون طالب، أو خريج، أو في مرحلة دراسات عليا زي الماجستير أو الدكتوراه أو حتى (Postdoctoral Fellowship). لذلك، مفيش أي مشكلة إن طالب يبدأ في البحث العلمي.

وتقدر تبدأ من بعد أولى كلية، مش لازم تستنى سنة خامسة أو سادسة أو سنة الامتياز. بعد أولى أو بعد تانية عادي جدًا، ومفيش أي مشكلة في ده.

طيب، إيه هي الـ Roadmap أو خريطة الطريق؟

أول خطوة: خد كورس Introduction to Scientific Research أو مقدمة في البحث العلمي. فيه كورسات مجانية على يوتيوب، زي كورس URI ، وكمان فيه مبادرة اسمها قبس للبحث العلمي، وهي مجانية أونلاين.

ثاني خطوة: خد كورس في نوع معين من أنواع البحث العلمي. لأن البحث العلمي له أنواع مختلفة، مثل:

Article Review
Systematic Review
Cross-sectional Study
RCT (Randomized Controlled Trial)

وغيرها. المهم تتعلم النوع اللي ناوي تشتغل عليه.

ثالث خطوة: ابدأ تكتب أبحاث كاملة (Manuscript) أو تكتب Abstract وتقدمه في المؤتمرات العلمية. متستناش إن حد ييجي يشتغل معاك. لو لقيت فريق من 4 أو 5 أشخاص كويس، لو شخصين كويس، ولو ملقتش حد، اشتغل لوحدك وقدم لوحدك.

وده شيء طبيعي جدًا، ودي الطريقة اللي أنا مشيت بيها. على سبيل المثال، شاركت ببحث علمي في Cairo Chest Summit، الذي أُقيم بقسم الصدر، كلية الطب، Cairo University، وقدمت البحث يوم 2 يوليو.

دي ببساطة هي الـ Roadmap اللي أنصح أي حد يبدأ بيها في البحث العلمي.