​👉የግንባታ ስራ ላይ የደህንነትና ጤንነት አጠባበቅ ስታንዳርድን የመተግበር አስገዳጅነት

​የኢትዮጵያ ኮንስትራክሽን ባለስልጣን (ኢኮባ) ከአዲስ አበባ ዩኒቨርሲቲ ጋር በመቀናጀት አዳዲሶችን ጨምሮ 48 ያህል ሀገራዊ የህንጻ ኮዶችና ስታንዳርዶችን ወደ ስራ ማስገባቱ ይታወሳል።

​ከእነዚህ ውስጥ አንዱና ዋነኛው የሆነው "የግንባታ ስራ ቦታ ላይ የደህንነትና ጤንነት አጠባበቅ ስታንዳርድ" ምን እንደሚጠይቅ
እነሆ፡- ​ዕቅድ ማዘጋጀት፡ ማንኛውም የግንባታ ፕሮጀክት ሲጀመር የስራ ከባቢ ዕቅድ፣ የግንባታ ቦታ አቀማመጥ እና የደህንነት ዕቅድን ያካተተ ጤንነትና ደህንነት አጠባበቅ ዕቅድ መዘጋጀት አለበት።

​ኃላፊ ወይም ኮሚቴ መመደብ፡ ስራ ተቋራጩ የስራ ቦታ ደህንነትን የሚከታተል ኃላፊ መመደብ ወይም የሰራተኞች ተወካይን ያካተተ ኮሚቴ ማቋቋም አለበት።

​የግል መከላከያ እቃዎች፡ ሰራተኞች የስራ ቦታ ደህንነት መከላከያዎችን (PPE) በአግባቡ መጠቀማቸውን ማረጋገጥ ቀዳሚ ግዴታ ነው።

​ግንዛቤና ስልጠና፡ ስለ ስራ ቦታ ደህንነት በቂ መረጃ መስጠት እና ስልጠና ማመቻቸት አማራጭ የሌለው አስገዳጅ ተግባር ነው።

​ድንገተኛ አደጋ ምላሽ፡ አደጋ ሲከሰት የሚወሰዱ እርምጃዎች፣ የሚገናኙ አካላት፣ አቅራቢያ የሚገኙ የህክምና ተቋማት እና የመጓጓዣ ሁኔታዎች ግልጽ ሊሆኑ ይገባል።

​⚠️ ማሳሰቢያ፡ በ2015 ዓ.ም የወጣው ደንብም ሆነ አዲሶቹ ስታንዳርዶች እንደሚደነግጉት፣ የግንባታ ቦታዎች ደኅንነታቸው የተጠበቀና በሰዎች ጤና ላይ ጉዳት የማያደርሱ መሆናቸውን ማረጋገጥ የሁሉንም የስራ ተቋራጮች ሙያዊ፣ ሰብአዊ እና ሕጋዊ ግዴታ ነው።

​Via Ethio Con

@etconp