စုံ၊မ ပြဿနာကြောင့် ကျောင်းကြိုပို့မည့် မိဘများ အခက်တွေ့

ဂျူချန်း

မဇ္ဈိမ။ ။ စစ်ကော်မရှင်၏ စက်သုံးဆီခြွေတာရေးအတွက် အသစ်ထုတ်ပြန်ထားသည့် စုံ၊မ နေ့ရက်အလိုက် ကား၊ ဆိုင်ကယ်များထွက်ရန် ညွှန်ကြားချက်စတင်ပြီးနောက် ကလေးများအား ကျောင်းကြိုပို့လုပ်ရန် အခက်တွေ့နေကြောင်း ကျောင်းသားမိဘများက ပြောသည်။

စစ်ကော်မရှင်၏ စုံ၊မ နေ့ရက်အလိုက် ကား၊ဆိုင်ကယ်များထွက်ရန် ညွှန်ကြားချက်သည် မတ်လ ၇ ရက် စနေနေ့ တွင်စတင်ခဲ့ခြင်းဖြစ်ပြီး ယနေ့ (မတ်လ ၉ ရက်) တနင်္လာနေ့သည် ကျောင်းဖွင့်ရက်ဖြစ်သဖြင့် ကျောင်းကြိုပို့လုပ်သည့် မိဘများအနေဖြင့် အခက်အခဲအချို့ ကြုံလာခြင်းဖြစ်သည်။

“လူကနေတာမြို့ပြင်မှာ။ သွားဖို့လာဖို့ကမလွယ်ဘူး။ အိုးဝေ နဲ့ပို့ရင် တခေါက်ကို ၂၀,၀၀၀ ရှိတယ်။ အဲ့ဒါတောင် သူများက စောင့်ပေးမှာမဟုတ်ဘူး။ ဘက်ထရီဘီးဝယ်ပြီး ပို့ရမလားမသိဘူး” ဟု မူကြိုကလေးကျောင်းသားမိဘတဦးက ပြောသည်။

စစ်ကော်မရှင်က စက်သုံးဆီခြွေတာရန်အတွက် လျှပ်စစ်ကား နှင့် လျှပ်စစ်ဆိုင်ကယ်များ၊ အများပြည်သူ သယ်ယူပို့ဆောင်ရေးယာဉ်များ၊ တက္ကစီများ၊ စက်သုံးဆီသယ်ယာဉ်များ၊ ဆောက်လုပ်ရေး လုပ်ငန်းသုံးယာဉ်များ၊ ကုန်စည်ပို့ဆောင်ရေးယာဉ်များ၊ လူနာတင်ယာဉ်၊…