احم بالنسبة للإجازة وازاي نستفيد منها أقصى استفادة وده بناءً على الرسايل اللي جاتلي على صراحة أو من وجهة نظري

١/أهم حاجة إنك تستغلها في تطوير نفسك دينيًا لإن الواحد مننا حرفيًا بيكون مقصر مع ربنا جامد ف فترة الدراسة والامتحانات خصوصًا وده بيأنبلي ضميري بصراحة ... مش قصدي من ناحية الصلوات والأذكار لإن دي حاجات مفروغ منها وأكبر غلط إنك تفرط فيهم أيًا كانت اي الظروف ... وإنما أقصد مثلا حفظ القرآن وطلب العلم الشرعي وهكذا

٢/طوّر نفسك ثقافيًا ... عن طريق قراءة الكتب أو متابعة ناس مفيدة على يوتيوب ... ومش شرط يكون related لمجالنا ... بل بالعكس انك تشوف وتقرأ عن مجالات تانية ده هيخليك شخص مثقف أكتر

٣/إنك تحسّن علاقاتك وتصل رحمك
لإن دي حاجة مهمة وأغلبنا مغتربين فبيبقى صعب إننا نزور قرايبنا ف الاجازات اللي بننزلها

٤/ إنك تطور من هواياتك ... سواء بقا رياضة معينة بتحب تلعبها أو مثلا إنك تروح الجيم ... وبالنسبة للبنات مثلا لو بتحبي الخياطة أو التطريز أو أي حاجة شبه كدة ... حاولوا إنكم تبعدوا عن الموبايل برضو ويكون ليكم حاجات بتحبوها بس بعيدًا عن الموبايل

٥/إنك تهتم بصحتك وتظبط نظامك الغذائي
وده برضو لإننا ف فترة الدراسة بيبقى صعب علينا حاجة زي دي لإننا بنضطر ساعات ناكل من برة أو ناكل أي أكل وخلاص علشان وقتنا

٦/إنك تكتسب عادات جديدة زي الصحيان بدري أو الرياضة أو أي حاجة كويسة كنت بتستصعبها أثناء الدراسة

٧/إنك تقابل صحابك بتوع ثانوي

٨/ودي بقا فقرة العكننة ... إنك تراجع على أناتومي 1 و 2 لإن أغلب مواد تانية بتعتمد عليها (وده كلام الناس اللي أكبر مننا)
بس برضو مش طول الوقت .. لما تحس إنك حنيت للمذاكرة ابقى افتح الأناتومي كدة وراجع شوية هيفرق معاك ف سنة تانية بإذن الله

وبس كدة 🌸