👉በቤጂንግ ከፍተኛው ሕንፃ ላይ የአውሮፕላን አደጋ ደረሰ

​አንድ አነስተኛ አውሮፕላን በቤጂንግ ከተማ ከሚገኙት ሕንፃዎች ረጅሙ በሆነውና ባለ 108 ፎቁ የሲቲአይሲ ታወር (CITIC Tower) ሕንፃ ላይ ዓርብ ምሽት መጋጨቱ ተሰማ።

አደጋው በሕንፃው ውጫዊ ክፍል ላይ መጠነኛ ጉዳት አድርሷል።

ክስተቱ የተከሰተው በከተማዋ ዋና የንግድ ማእከል (CBD) ውስጥ በግምት ከምሽቱ 12:00 ሰዓት አካባቢ እንደሆነ ተገልጿል።

​ፖሊስ በአፋጣኝ አካባቢውን በመከለል በአቅራቢያው ያሉ መንገዶችን የዘጋ ሲሆን፥ በርካታ የፖሊስና የእሳት አደጋ መከላከያ ተሽከርካሪዎችንም በስፍራው አሰማርቷል።

የዓይን እማኞች ከፍተኛ የመጋጨት ድምፅ እንደሰሙና አውሮፕላኑ ከሕንፃው ጋር ተጣብቆ መቅረቱን ቢናገሩም፥ ባለሥልጣናት ግን እስካሁን ዝርዝር መረጃዎችን በይፋ አላረጋገጡም።

​ይህ የሲቲአይሲ ታወር (CITIC Tower) ሕንፃ የመንግሥት ንብረት የሆነው የሲቲአይሲ ግሩፕ (CITIC Group) ዋና መሥሪያ ቤት ሲሆን፥ በዓለም ላይ ካሉ 10 ረዣዥም ሕንፃዎች አንዱ ነው።

ባለሥልጣናት ስለ አደጋው መንስኤም ሆነ ስለደረሰው የጉዳት መጠን እስካሁን የሰጡት ይፋዊ መግለጫ የለም።

@etconp