ချယ်လ်ဆီးအသင်းဟာ ၂၀၁၁ နဲ့ ၂၀၁၈ ကြား အပြောင်းအရွှေ့တွေမှာ လိုင်စင်မဲ့ အေးဂျင့်တွေနဲ့ တတိယအဖွဲ့အစည်းတွေဆီကို ပေါင် ၄၇ သန်း လျှို့ဝှက်ပေးချေခဲ့တယ်လို့ ဝန်ခံခဲ့ပြီးနောက် ပေါင် ၁၀ သန်း ဒဏ်ရိုက်ခံရသလို အပြောင်းအရွှေ့ပိတ်ပင်မှု ဆိုင်းငံပြစ်ဒဏ်လည်း ချမှတ်ခံလိုက်ရပါတယ်။

ပေါင် ၁၀ သန်း ဒဏ်ကြေးဟာ ပရီးမီးယားလိဂ်ကနေ ချမှတ်ဖူးသမျှထဲ အများဆုံး ဒဏ်ကြေးဖြစ်ပါတယ်။ ဒါဟာ ၂၀၇ ခုနှစ်တုန်းက ဟာဗီယာ မာရှေရာနိုနဲ့ ကားလို့စ် တီဗက်စ်တို့ရဲ့ အပြောင်းအရွှေ့တွေကြောင့် ဝက်စ်ဟမ်းအသင်း ချမှတ်ခံခဲ့ရတဲ့ ပေါင် ၅ ဒသမ ၅ သန်း ဒဏ်ကြေးစံချိန်ကို ကျော်လွန်သွားတာလည်း ဖြစ်ပါတယ်။

ဒါပေမဲ့ ချယ်လ်ဆီးဟာ အမှတ်လျှော့ပြစ်ဒဏ်လိုမျိုး အားကစားဆိုင်ရာ အရေးယူမှုတွေကနေတော့ ကင်းလွတ်ခဲ့ပါတယ်။ ဒါဟာ အသင်းဘက်က “အတိတ်က စည်းမျဉ်းချိုးဖောက်မှုတွေကို ကိုယ်တိုင်ဆန္ဒအလျောက် အစီရင်ခံခဲ့တာ”ကြောင့် ဖြစ်တယ်လို့ ပရီးမီးယားလိဂ်က ဆိုပါတယ်။
Read more: https://bur.mizzima.com/2026/03/17/85192