السلام عليكم يا دكاترة🥰
كنت بس عايزة أفكركم إن مفيش حد بياخد رزق حد ... وإن الشخص اللي لما يتسئل عن طريقة مذاكرة حاجة أو مادة معينة ويفضل يصيح ويقول هشيلها ويكون مخلصها ٣ مرات قبل كدة دة بني ءادم مش كويس ... وعلى الأغلب ربنا بيمهله وبعدين بيسلبه النعمة اللي ف إيده
زميلك اللي جاي يستنجد بيك ف حاجة معينة دة هتُسأل عنه ودة اختبار من ربنا ليك على فكرة ... فبلاش شغل أنا هشيل المادة والكلام اللي مش بيجيب همه دة
أصلا مستحيل تكون أنت واحد بترتب على دفعتك وتقول الكلام دة ... لو هي صعبة عليك فعلا قول إنها صعبة وممكن أنقص كتير ...لكن ماتقولش أنا والله هشيلها ومش فاهم فيها حاجة لإنه والله ربنا مش هيقبل منك دة وممكن يبتليك ويخلي كل اللي بتقوله واقع

ونساعد بعض يا جماعة ..نساعددد بعض بجد
إحنا مش ف غابة والدرجات دي رزق
إيش ضمنك المعلومات اللي ذاكرتها دي تلحق تجاوب بيها أسئلة الامتحان أصلا ولا لأ ..ما وارد جدًا تدخل الشفوي وتقلب بطة بلدي قدام الدكتور وماتعرفش تقول كلمة
ممكن تصدع ف نص الامتحان وماتقدرش تكمل ... وغيره وغيره
البني ءادم ال"كذاب" ومعنديش وصف له غير كدة نهايته وحشة صدقني
فبلاش تكون البني ءادم دة ... ولو بتتعامل مع ناس من الشخصيات دي بلاش تتكلم معاه ف نطاق الدراسة ... وسيبه لنفسه يمكن ربنا يهديه

بالتوفيق يا أبطال 🫶