ထိုင်းနိုင်ငံ၊ ဘန်ကောက်မြို့ရှိ နာမည်ကြီးဆေးခန်းတခု၌ အလှပြုပြင်ခွဲစိတ်မှုခံယူသည့် စီးပွားရေးလုပ်ငန်းရှင်အမျိုးသားတဦး နောက်ဆက်တွဲ ကြုံရသည့်အခြေအနေနှင့်ပတ်သက်ပြီး လူနာမိသားစုနှင့် ဆေးခန်းအကြား ပြောဆိုချက်များ ကွဲလွဲလျက် ရှိသည်။

ဆေးခန်း၌ အလှပြုပြင်ခွဲစိတ်မှုအပြီး လူနာဖြစ်သူသည် ရက်အတော်ကြာ သတိမေ့မြောနေသည်ဟု ဆိုရင်း ယင်းလူနာ၏ မိသားစုက စားသုံးသူ (သုံးစွဲသူ) အခွင့်အရေးကာကွယ်စောင့်ရှောက်ရေး ဖေ့ဘွတ်ခ်စာမျက်နှာတခုမှတဆင့် အကူအညီ တောင်းခံထားသည်။

မိသားစု၏ အဆိုအရ ခွဲစိတ်မှုအပြီး နောက်ဆက်တွဲ ပြုစုကုသစရိတ်များက ယခုအခါ ဘတ် ၂,၀၀၀,၀၀၀ ကျော်အထိ ရှိနေပြီဖြစ်သည်ဟု သိရသည်။

တဖက်တွင် ခွဲစိတ်မှုက မျှော်လင့်ထားသည့်အတိုင်း အောင်မြင်ခဲ့ကြောင်း၊ သို့သော် လူနာသည် မေ့ဆေးနှင့်ပတ်သက်ပြီး တွေ့ရခဲသော တုံ့ပြန်မှုတခု ဖြစ်ပေါ်ခဲ့ကြောင်း၊ လက်ရှိတွင် လူနာသည် သတိရနေပြီး အခြေအနေ တည်ငြိမ်ကြောင်း ဆေးခန်းဘက်က ပြောသည်ဟု သိရသည်။

♦️ သတင်းအပြည့်အစုံ - https://bur.mizzima.com/2026/03/09/84357

#ဘန်ကောက်
#အလှပြုပြင်ခွဲစိတ်မှု
#နောက်ဆက်တွဲပြဿနာများ
#မဇ္ဈိမသတင်းဌာန
#MizzimaBurmeseNews