​​ДТМ – даромад топиш манбаи(ми?)

УзА нашрида қуйидаги мазмундаги мақола чоп этилди:

Facebook ижтимоий тармоғидаги «Ўзбекистонда Адолат» гуруҳи фойдаланувчиси Матсур Зоҳиров ​томонидан «Адолат дегани шу бўлса керак» сарлавҳаси остида пост жойлаштирди. Унда «КОРОНАВИРУС САБАБ ИМТИҲОНДА ҚАТНАША ОЛМАГАН АБИТУРИЕНТГА ТЎЛАГАН ПУЛИ ҚАЙТАРИЛМАЙДИ – ДТМ» мазмунидаги маълумот қайд этилган. Ушбу шахсий фикрга жуда кўпчилик юртдошларимиз ўз муносабатини билдиришди. Улардан айримларини эътиборингизга ҳавола этамиз.

Дилором Аҳаджонова:

- Давлатимиз битирувчиларга тадбиркорлик, ҳунар билан шуғулланишлари учун фоизсиз кредит, сармоя беряпти 20 сотихдан ер беряпти.

Тўлқин Тошев:

- ДТМниям тўғри тушунинглар. Имтиҳон бўлмаса, бункерлар, «ректорский» группалар, х-вариантлардан келадиган пуллардан маҳрум бўлишди. Ҳеч бўлмаса шу йўл билан пул ишласин.

Раҳима Ходжаева:

- Буларни кечаги гапи бугунга тўғри келмайди, кечагина иситмаси бўлса қўйилмайди, имтиҳон тугагандан кейин 3, 4 кун ўтиб топширади деган эди.

Хуршида Ҳолиқова:

- Имтиҳонга қўйилмаганларни пулини қайтариб бериш керак! Келмаган бўлса бошқа гап.

Муҳаббат Қодирова:

- Адолатсизлик ота оналар қанча қийналиб тўлаган у пулларни. Фарзандимни ўқитаман деб.

Наргиза Каримова:

- Нималар деяпсиз ҳурматли амалдор? Ёшларни руҳини синдириб нима қиласиз???

Дилшод Файз:

- Наҳоткиии... ”Коронавирус сабаб имтиҳонда қатнаша олмаган ўқувчилар рўйхати шакллантирилади, маълум бир муддатдан сўнг улар учун махсус имтиҳон ташкиллаштирилади. Ҳар икки ҳолатда ҳам қатнаша олмаган ўқувчиларнинг пуллари қайтариб берилади!” - деган тартибни жорий қилиш, ўйлаб топиш ва амалга ошириш шунчалик қийин бўлса?!

Умида Еримова:

- Қизиқ, бу пуллар қаерга бориб тўхтаркан, ким эгалик қиларкан? Кўпчилик охирги тийинларини тўлаган, бу аниқ факт!

Саид Комилович:

- Унақа деманглар жаноблар!! Мен коллежда ўқитувчиман. Шу тўловиниям зўрға тўлаб, ҳужжатларини муддатни охирида зўрға топширадиган ўқувчиларим бор. Мен улар билан 3 йил ишлаб, оилавий шароитини жуда яхши биламан! Бир нарсани тадбиқ қилаётганда сал қуйидан чиқиб баҳо беринглар! Илтимос!!!

Олимжон Раҳимов:

- Емаган сомсага пул тўлаш шунақа бўлади, мана сенга адолат! Бундай фикр билдирганлар Ватан хоини дейилади, негаки одамларда нафрат, ишончсизликни уйғотади. 

Мавзу юзасидан айтар сўзимиз, дастлаб битирувчининг ўзи кимлигини теран англаб олишимиз шарт. У ота она қарамоғидаги фуқаро. Аммо ҳар бири ўқишни ният қилади. Кунлик даромад топадиган қанчадан қанча оила вакиллари бугунги вазиятда қийин аҳволга тушиб қолишган. Тўлов учун пули етмаган қанчадан қанча абитуриентлар ҳужжат топширолмади. Имтиҳонга қатнашолмайдиган абитуриентнинг пулини қайтариб бериш шарт деб ҳисоблаймиз.

Сиз нима дейсиз?

Эслатиб ўтамиз, ДТМ ушбу хабарлар ортидан расмий муносабат билдириб ўтди. Айтилишича, узрли сабаб билан тестда қатнаша олмаган абитуриентларга пуллари қайтарилади. Лекин қандай сабаблар ДТМ учун "узрли" тоифага кириш ҳақида аниқ маълумотлар очиқланмаган.

Сафимизга қўшилинг:
👉 @davlattestmarkazi 👈