د/محمد سليم معيد عندنا "لسة متعين السنة دي"
... المهم كل اللي أعرفه عن د سليم إنه بيدي صحابي في السكاشن التانية وبسمع ڤيديوهاته في العملي

د سليم بيرفع الڤيديوهات بتاعت الشرح بنفسه لدفعتنا ودفعة حكومي من النت بتاعه وغالباً هو اللي بيضغطها كمان ، بيعمل لايفات و meetings كتير بيشرح فيها أي حاجة مش فاهمينها ... ف مرة الميتنج ما اتسجلش راح مسجل ڤيديو وعاد فيه شرح الجزء ده من الأول
رغم إن كل حاجة رسميًا بتتاخد ف الكلية عادي

د سليم مش بيدينا زي ما قلت ، بس لما لقى في أسئلة كتير بتجيله مننا ،الليدر بتاعت السكشن عملت جروب ودخل معانا فيه وبدأ يجاوب على كل أسئلتنا

د سليم بيعمل أسئلة لينا كل تيرم بنفسه ، وبيحل لنا أي امتحانات عايزينها

أي حد في الدفعة معاه رقم د سليم وبيبعت له في أي وقت أو يرن عليه وهو بيرد بصدر رحب كأنه واحد صاحبه

من المواقف الحلوة كمان له لما بابا كان تعبان في مرة بعتت له وسألته عن حاجة في حالة بابا ورد عليا وفهمني كل حاجة وبعتلي ڤيديو الtest اللي المفروض أعمله كمان ،رغم إنه مايعرفنيش ولا عمره اداني في سكشن قبل كدة

حقيقي شكرًا د سليم على كل حاجة بيقدمهالنا ،وياريت كل الناس تبقى زيه بجد .