DiscussBot

Xushnudbek.uz

Бош прокуратура томонидан шифокорга нисбатан очилган жиноят иши бекор қилинди

Аввалроқ Самарқанд вилоятида фуқаро Х.Д.га нисбатан жиноят иши қўзғатилиб, тергов ҳаракатлари олиб борилаётганлиги тўғрисида хабар берилган эди. Унда самарқандлик тиббиёт ходими тиббий текширувлардан ўтмасдан 34 нафар кишига коронавирус инфекциясини юқтиришга сабабчи бўлганлиги айтилганди.

Мазкур ҳолат юзасидан Соғлиқни сақлаш вазирлиги Х.Д.га нисбатан жиноят иши қўзғатиш тўғрисидаги қарорни асоссиз, деб ҳисоблаб, вазир Алишер Шадманов Ўзбекистон Республикаси Бош Прокурорига шифокорга нисбатан жиноят иши қўзғатиш тўғрисидаги қарорни бекор қилиш масаласининг кўриб чиқилишини сўраб мурожаат йўллаган эди.

Бугун ушбу мурожаат юзасидан Бош прокуратура томонидан жавоб хати келди.

Унда қайд этилишича, Бош прокуратура мазкур жиноят иши ҳужжатларини ўрганиш жараёнида Х.Д.га нисбатан тўпланган ҳужжатлар бўйича олиб борилган терговга қадар текширув ҳаракатлари ҳар томонлама, синчковлик билан ўтказилмасдан, барча ҳолатлар тўлиқ текширилмасдан, шошма-шошарлик билан барвақт жиноят иши қўзғатиш тўғрисида қарор қабул қилинганлигини аниқлаган.

Шунга кўра, Самарқанд вилоят Ички ишлар бошқармаси ҳузуридаги Тергов бошқармаси томонидан Х.Д.га нисбатан Жиноят кодексининг 257-1-моддаси 1-қисми билан жиноят иши қўзғатиш ҳақидаги қарор Бош прокуратура томонидан бекор қилинган.

Мурожаат Бош прокуратура томонидан чуқур ўрганилиб, тезкорлик билан ижобий ҳал қилинганлиги шифокорларимизни қувонтириши, ўз касбига нисбатан яна-да масъулият билан ёндашиб, фаолият юритишларига замин яратиши шубҳасиз.

Соғлиқни сақлаш вазирлиги Бош прокуратура томонидан бугунги синовли кунларда фидойи тиббиёт ходимларининг қаҳрамонларча фаолиятини қадрлаб, адолатли қарор қабул қилганлигини эътироф этиб, адолат посбонлари бўлмиш, прокурорларимизнинг ҳақиқатни қарор топтириш йўлидаги шарафли ва машаққатли фаолиятида улкан муваффақиятлар тилайди.

Соғлиқни сақлаш вазирлиги
Жамоатчилик билан алоқалар бўлими.

👉 @xushnudbek 👈

May 18, 2020 at 16:35

Javohir Hamroqulov May 18, 2020

👍👏👏

Olimjon May 18, 2020

Yaxshi ish bulibdu

🧸🧸🧸ZILOLA JUMANIYOZOVA May 18, 2020

😂😂😂

Расулова Наргиза Мамарайимовна May 18, 2020

У билмаганбир балки яхши булибди лекин

𝑯𝒂𝒛𝒓𝒂𝒕🇺🇿 May 18, 2020

Davlatimizning siyosati rivojlanganidan hursandman

Sardor May 18, 2020

Zor a bulani chiqargan qarorlarini oxiridan boshiga qarab oqish kerak shunda tushunish oson boladi

Максудов директор шк May 18, 2020

Адолатли рахбарларимизга рахмат ,умрлари узок булсин.

Jahongir | 🏠 | 👨‍💻 May 18, 2020

Taqsinga loyiq holat, Vazirning har bir hamkasbiga nisbatan befarq emasligini ko'rsatibdi.

akaVohid May 18, 2020

Oila kodeksining 57 moddasida aka uka, opa singil 2 chi darajali qarindosh deyilganku. Nega Toshkent shahrida yashovchi fuqaro o'z aka ukasini Toshkent shahridagi uyiga propiskaga yani doimiy ro'yxatga qo'ya olmaysiz. Iltimos to'liqroq malumot bering

Gold May 18, 2020

Yaxshi ish bolibdi shifokorlarimizga ham oson emas hayotlarini garovga qo'yishyapti. Hamma ishda ishlayotganlar jonkuyarlarni Alloh panohida saqlasin.