Xushnudbek.uz
❗️Албатта, ўқинг

#муштарийдан_мактуб

Бугун менга 19 ёшли бир укамиздан мактуб келиб тушди. Ўша мактубни ўзгартирмасдан (фақат лотиндан кирилга ўгирдим), тўлиқ эълон қилмоқчиман:

“Aссалом алайкум, Хушнудбек ака. Каналингизга ташланган аудио хабарни эшиттим. Катта раҳмат сизга. Кимдур барибир шундай масалаларни гапириши керак. Мен сизнинг айтган гапларингиздан ўзимга мотивация оляпман.

Aйниқса ота-онасининг молиявий аҳволи туфайли ўқишга кира олмаганларни ҳам гапирдингиз. Мана шу жиҳат ҳозирги замонда ўқишга кира олмаган кўпчилик талабаларнинг баҳонаси бўлиб қолмоқда. Ҳақиқатдан ҳам бундай баҳоналар ярашмайди. Ҳаракат қилса Худо ҳам бераркан. Ўзимдан мисол.

Мен 2002 йилда Гулистонда туғилганман. Ёшим 19 да. 4 ёшимда дадам вафот этганлар. Оддий оила эдик. Онам ошхонада ишларди, уялмайман — идиш ювувчи эди. Бизни қўлдан келганча ҳалол меҳнат билан боқди. Aкам ва укам бор. Aкам дадам вафот этганда эндигина 6-синф эди. Ҳатто оилага ёрдам деб мактабдан келиши билан кунлик ишларда, бировларни уйида ишларди. Коллежни битириши билан ўқишга ҳам топширмай, дарров текстил соҳасида ишларга кирди. Мен ва укам учун келажагидан воз кечди. Бўлмаса билими бор эди. Математикадан олимпиадаларда шаҳар босқичларида қатнашарди. Шунчаки “ўқишга агар контрактга кирсам шароит йўқ” деб ўқимади. Укам эса дадам вафот этганда эндигина 7 ойлик гўдак эди. Мактабга бориб ақлим кира бошлаган пайт тушундим. Ўқиш керак экан, фақат ўқиш. Мактабда фақат аъло баҳоларга ўқирдим. 11-синфгача ўзим синф сардори эдим. Чоракларим камдан-кам ҳолатларда 4 бўлар эди. Фақат 5 баҳолар билан ўқирдим. Фахрий ёрлиқлар уйда қалашиб ётибди. Физика ва Математикадан олимпиадаларда доимий шаҳар ва вилоят босқичларида қатнашиб фахрли ўринлар олганман.

10-синфга борганимда акам бир гапни айтди: "Укам сен ўқигин. Ҳамма умидим сендан. Ўқишга кирсанг бўлди. Мен бу ёғига қўлдан кеганча амаллайман" деди. Шундан кейин фақат тайёргарлик бўлди. Ўзимизни уйимиз йўқ эди. Тоғамни уйида турардик. Ва ниҳоят ҳаракатлар ва қариндош-уруғлар ёрдами билан уй солдик. Шукр ҳозир уйимиз бор. Оилавий шароитимиз туфайли репетиторга бормадим. Ўзим уйда мустақил тайёрландим. Ишонасизми, математикадан тайёрланиш учун бор-йўғи 50 минг сўмга китоб ва тест тўплам олдим. Ва бу ёғига фақат тайёрландим. Уйдан умуман чиқмасдим. Ҳатто синфдошлар йиғилиб бошқа вилоятларга айланишга боришса, пулдан қизғониб, у пулга бошқа нарса оларман, деб бормасдим.

Карантин пайти тўғрисини айтсам менга қўл келди. Мактабда дарслар йўқ. Фақат уйдаман. Чалғитувчи жиҳатлар йўқ эди. Энди тайёргарлик яна кучайди. Эрталабдан тушликкача математика, тушликдан сўнг инглиз тили. Кечки пайт эса online тестларда қатнашардим. Вақт қандай ўтганини билмай қолдим. 2020 йилда Худо омадимни бериб 176,4 балл билан Тошкент давлат иқтисодиёт университети Иқтисодиёт (тармоқлар ва соҳалар бўйича) факультетига тўлов-контракт асосида қабул қилиндим. Қолган 4 та танлаган ОТМга гранд эди, лекин 1-танловим ТДИУ эди. Ўзимни орзум ҳам айнан ТДИУда ўқиш эди. Уйдагилар, айниқса акам жуда хурсанд бўлди. Контракт тўлашда аввал сал қийинчилик бўлди. Таълим кредитини ҳам ололмадим. Банкда қийин бўп кетди олиш. Омадим келиб таълим грантида ғалаба қозониб, “Нажот таълим” томонидан контрактимни 30%и тўланди. Бу ҳам бизга катта ёрдам бўлди. Ҳозирда мустақил равишда Python дастурлаш тилини ўрганяпман. Насиб бўса, янги йилгача ноутбук олиб бу борада жиддий шуғулланмоқчиман. Инглиз тилидан ҳам мустақил IELTS имтиҳонига тайёрланмоқчиман.

Келажакда насиб бўлса Иқтисодиёт вазирлигида ишлаб, албатта Ўзбекистондаги энг катта иқтисодчилардан бўламан. Президент бўлиш ҳам ниятим бор. Буларни сизга ёзишдан мақсадим нима? Сизнинг айтган гапларингизга, яъни оддий муҳтож оилаларнинг фарзандлари ҳам репетиторсиз ўқишга киришига мен 100% қўшиламан. Бу учун албатта сиз айтганингиздек, фақат ва фақат ҳаракат керак.

Оддий оиладан бўлиш айб эмас. Чунки буни биз ҳал қилмаймиз. Яратган ҳаммамизни турли шароитдаги оилаларда дунёга келиб бизга синов беради. Бундай синовлардан ўта билиш эса ўзимизга боғлиқ. Ҳаракат қилиш керак”.

Мактуб тугади. Хулоса ўзингиздан.


👉 @xushnudbek 👈
edited  

1354 comments

Show 100 more comments
Гулхаё Юлдошева
Хушнид ака мандат бугун чикади деб ешитгандим шу гап тугрими
Jahongir
Omadingdi bersin olloxim!
͚͚ ꧁❁͜͡➢͜͡🦋𝐊꯭𝗥꯭𝐀꯭𝗦꯭𝐀꯭𝗩꯭꯭𝐂꯭𝐇꯭꯭𝐈꯭𝐊꯭͜͠🦋❃➢͚͚
Mashallah olloh qo‘llasin har birimizni
Baxrom Soxibovich
Bizani maktabda o'qituvchilar dars paytida oriflame narsalarini reklama qilar edi dars otiwni o'rniga
1
шох
Xushnudbek
Lotinda yozilgan maktubni kirillga o’tkazdim, mazmunini o’zgartirganim yo’q. Nega bunchalik maydakash bo’lib ketyapmiz? O’zilarga ham g’alatimasmi-a, shunaqa mayda gaplarga vaqt sarflash?
Aka kvotasi borla kruradmi 38 bal bn fvv ga krgan bza 100 bn otrbmiz oziz qaren sal etbor bn szda boshqasini xalqa br tynli foydasi yo !
1
Muazzamxon Parpiyeva Mat -bu 21
Malades oqib rossa tasirlandim.Togri fikir intilsa xamma narsaga erishsa boladi
Bahodir
Assolom Xushnud aka men andijon mashinasozlik inistutidan tatuning urganch filialiga perevod qilib bilamanmi .M
Hatamova
Bugun mandat ciqadimi
Norkuvatov Xasan
Mansur
men uzimni misol qilib olamayapman lekin xozirgi zamonda repetitor olmagan abuturent uzining yunalishiga kira olmaydi 100% ertak.Men Xushnidbek akani xurmat qilaman lekin shu bola ertak tuqigan.Xushnidbek akani ishontiribdi!
Hozir kub otm larga mustaqil tayorlanib kirsa buladi chunki ballar past va savollar juda oson tushyapti
Xurshida Sultonova
Sardor Bekpulatov
Assalomu alaykum. Xushnudbek aka borizga shukur. Bir savolim bor edi agar mumkin boʻlsa, ushbu kanalingizni haligacha kirill alifbosiga asoslangan o'zbek yozuvida yuritishingizga sizni nima majbur qiladi? O'zgarishlar vaqti kelmadimikin?!
Rostdan ham, lotin grafikasiga o'tishni o'zingiz targ'ib qilyapsizuu, Xushnudbek.🤔
Umida Tangrieva
Havasim keldi barakalla xudo omadingni bersin ilohim mani 3 oglim ham shu yigitdek bolsin insholloh akasiga ham omad yor bolsin.
Bahodir
Mening yashash xududim xorazm bo‘lgani uchun iltimos javob bering.
🇪 🇰 🇭 🇷 🇴 🇲
Xm zòr yozibdi kònglidagini sochibdila maladets lekin 5 kettim omad bizga ham ulardek bolishlik nasib aylasin
Lobarxon
Сардорбек Мирзахалов
Шу йигитга ноутбук олиб берайлик, зора бизнинг хам фарзандларимиз шу йигитга ухшаб билимли ва акилли булсин! Ажойиб мисралар учун рахмат, ноутбук масаласида уз хиссамни кушаман!!! Омад
Manham fikrizga qushilaman
Caodat Panoyeva
Ugillarim ilohim siladay uqimishli bulsin omat uka
Dr Dispatch
Motivatsiya uchun zor lifehack. TDIU dagi o'qish darslar haqida ham bir post yozib bersa bolarkan.Man ham o'tgan yili kirganman TDIUga. Rosa afsuslandm Westminsterda oqimaganmga.
Soul_&_life
Gap yoʻq
Nasiba Atavaliyeva
O'qing ,ilm oling , agar bilimingiz zo'r bo'lsa hech qachon hor bo'lmaysiz , hozir o'qish uchun hamma sharoit yetarli, davlatimiz keragicha rag'batlantirib qo'yyapti , agar foydalanshni bilsangiz, muhimi hohish bo'lsa bas.Hullas ilm olishingiz tarafdrimiz. Barchaga omad!
⃝҈❣͜͡©®𝓗͜͡𝓪͜͡𝓵͜͡𝓲͜͡ ͜͡𝓱͜͡𝓪͜͡𝔂͜͡𝓸͜͡𝓽͜͡ ͜͡𝓸͜͡𝓵͜͡𝓭͜͡𝓲͜͡𝓷͜͡𝓭͜͡𝓪͜͡©®
Диля Дехкановна
Одамларни уволига каргишига колади шу ишни килса . Хушнудбекни тинглаб езайкон хабарларини укиб янгилик чикаришини кутадиганлар орасида переводчилар хам бор . Сизни хурмат килишади ука.
Shuncha qoʻllab quvvatlovchilar bor ekan. Ularga hech nima qilmaydi. Alloh hammasini bilguvchidir kim mehnat qilib erishayaptiyu kim mehnatsiz. Agar Alloh qoʻllab tursa sizlarning qargʻishingiz bir tiginga qimmat. Agar bilsangizlar inson mehnat qilganiga yarasha emas balkim undan koʻp haq olsa Bu harom sanaladi. Demak Xushnudbek aka Haq yoʻldalar omadingizni bersin aka. Biz siz bilan🤲🤲🤲🤲🤲
♥Шохсанам♥
Омадини берсин илохим
Дилфуза Шегалиева
Assalomu aleykum. Xushnudbek aka. Bu bola yozdi xuddi o'tmishim qaytib qolgandek bo'ldi. Men xam OTM ga kontrakt asosida 2007 yil o'qishga kirganman.Afsus sharoitimiz ko'tarmagan o'qiy olmaganman.Lekin afsuslanmiyman xozirda buxgalterman.Oylik maoshim xam yaxshi. Oddiy kollejda taxsil olganimga xam olloxga shukur qilaman. Chunki meni yaxshi ko'rgan kasbim bor.
Show next 100 comments