Супер-контрактга қабул қилишда аризанинг қачон берилгани аҳамиятга эга эмас, баллар кетма-кетлигига қаралади

Вазирлар Маҳкамасининг 393-сонли қарори билан тасдиқланган Низомга кўра, абитуриентларни оширилган тўлов-контракт шарти билан қўшимча ўринларга қабул қилишда тўпланган баллар миқдорига қаралади. Яъни дастлаб ўқишга кира олмаганлар орасидаги энг юқори балл тўплаганларга имкон берилади.

Баллар кетма-кетлиги бўйича рўйхатдаги олдинги абитуриент супер-контрактда ўқишни рад этган ёки умуман ариза бермаган бўлса, рўйхатдаги кейинги абитуриент қўшимча тўлов-контракт асосида ўқишга тавсия этилади.

Эслатиб ўтаман, эртага — 1 октябрь супер-контрактда ўқиш учун ариза беришнинг охирги куни. Аризани онлайн равишда t-kontrakt.edu.uz сайти орқали берса бўлади.


👉 @xushnudbek 👈